У Брэсце прадавец машын рэкламаваў аўтамабіль і не думаў пра азімыя
У Брэсце мужчына, які займаецца продажам аўтамабіляў, пашкодзіў пасевы элітнай пшаніцы падчас здымак рэкламнага відэа. Супрацоўнікі міліцыі знайшлі ролік у інтэрнэт-чаце, дзе дэманстраваліся магчымасці кітайскага ўседарожніка на бездарожжы, піша БелТА.
Высветлілася, што для дрыфту аўтар відэа абраў сельскагаспадарчае поле каля вёскі Страдзеч Брэсцкага раёна. У выніку заезду аўтамабіля былі пашкоджаныя пасевы пшаніцы, а мясцоваму сельгаспрадпрыемству нанесеныя страты на суму каля 1,4 тысячы рублёў.
Парушальнікам аказаўся 42‑гадовы жыхар Брэста. Для рэкламы новай машыны ён звярнуўся да блогераў, якія дапамаглі са здымкамі і апублікавалі відэа. Мужчына патлумачыў, што з-за снегу не было зразумела, што на полі растуць культурныя расліны. Сваю віну ён прызнаў і выказаў раскаянне.
Як яго пакараць, пакуль яшчэ думаюць.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам15
Каментары