Вайскоўцы Ізраіля заявілі, што ў выніку аперацыі былі забітыя камандзіры ўзброеных фармаванняў ХАМАС і «Ісламскага джыхаду». Улады сектара Газа, у сваю чаргу, паведамілі пра больш як 20 загінулых, сярод якіх трое дзяцей, паведамляе Euronews.
Паводле ізраільскага боку, адзін з удараў прывёў да ліквідацыі камандзіра ўзброенага падраздзялення ХАМАС, якога лічаць адказным за гібель закладніцы Ноа Марцыяна. Яе выкралі з вайсковай базы Нахаль-Оз падчас нападу 7 кастрычніка 2023 года, а пазней забілі ў палесцінскай бальніцы аш-Шыфа. Таксама Армія абароны Ізраіля заявіла пра знішчэнне яшчэ двух камандзіраў — аднаго з ХАМАС і аднаго з «Ісламскага джыхаду» — падчас удараў у розных раёнах анклава.
Палесцінскі бок сцвярджае, што авіяўдары былі нібыта нанесеныя па намётавых лагерах, дзе знаходзіліся мірныя жыхары. На фоне баявых дзеянняў была часова спыненая эвакуацыя пацыентаў праз памежны пераход «Рафах» у Егіпет, які нядаўна аднавіў працу ў межах дамоўленасцяў аб спыненні агню пры пасярэдніцтве ЗША.
ХАМАС абвінаваціў Ізраіль у парушэнні дасягнутых пагадненняў. Ізраільскі ж бок заяўляе, што пасля вяртання ўсіх закладнікаў — як жывых, так і загінулых — галоўнай мэтай стала поўнае раззбраенне ХАМАС. Вайскоўцы Ізраіля таксама паведамляюць пра пастаянныя абстрэлы з боку баевікоў у раёне так званай «жоўтай лініі» і сцвярджаюць, што ўзброеныя групы выкарыстоўваюць машыны хуткай дапамогі для перавозкі людзей і зброі, а таксама хаваюцца сярод мірнага насельніцтва ў лагерах перамешчаных асоб.
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
ЦАХАЛ пацвердзіў, што загінула 70 тысяч жыхароў Газы. Гэта ў 50 разоў больш, чым ад рук ХАМАСа ў дзень атакі на Ізраіль
Ізраіль вярнуў з сектара Газа цела апошняга закладніка
Дэпутатка, якая рыхтуе прыгажунь для Лукашэнкі, выйшла замуж23
Каментары