З серады даведка з ваенкамата абавязковая для выдачы пашпарта хлопцам ва ўзросце 18—27 гадоў
З 11 лютага ўступае ў сілу ўказ Лукашэнкі, якім прадугледжана новая адміністрацыйная працэдура — «Выдача даведкі аб стаўленні да воінскага абавязку».
Мэта працэдуры — забяспечыць выкананне грамадзянамі воінскага абавязку і дасягнуць паўнаты і дакладнасці даных воінскага ўліку, паведамляе прэс-служба Мінабароны.
Даведка аб воінскім абавязку будзе неабходная для атрымання або замены пашпарта, пасведчання кіроўцы і дазволу на набыццё і захоўванне грамадзянскай зброі.
Ваенныя камісарыяты і іх адасобленыя падраздзяленні будуць выдаваць даведку ўсім грамадзянам мужчынскага полу ва ўзросце ад 18 да 27 гадоў [прызыўны ўзрост у Беларусі — НН] бясплатна не пазней за адзін рабочы дзень.
Даведка будзе выдавацца ўсім, хто асабіста звернецца ў ваенны камісарыят або яго адасобленае падраздзяленне па месцы жыхарства, незалежна ад таго, ці з’яўляюцца яны суб’ектамі воінскага абавязку.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары