Спецыяльны прадстаўнік прэзідэнта ЗША Дональда Трампа Стыў Уіткаф заявіў пра магчымасць правядзення трохбаковых перамоў паміж ЗША, Украінай і Расіяй на працягу найбліжэйшых дзесяці дзён, паведамляе «Еўрапейская праўда».
Раней Уіткаф анансаваў сустрэчу ў Жэневе з кіраўніком украінскай перамоўнай групы, сакратаром Рады нацыянальнай бяспекі і абароны Украіны Рустэмам Умеравым. Паводле яго слоў, пасля перамоў у Жэневе Умераў можа наведаць Фларыду, дзе і адбудзецца трохбаковая сустрэча дэлегацый ЗША, Украіны і Расіі.
З амерыканскага боку ў магчымых перамовах таксама плануе ўдзельнічаць Джарэд Кушнер, зяць Дональда Трампа.
17—18 лютага ў Жэневе ўжо прайшлі трохбаковыя сустрэчы прадстаўнікоў Украіны, ЗША і Расіі, на якіх абмяркоўваліся магчымыя параметры завяршэння вайны. Прэзідэнт Украіны Уладзімір Зяленскі па іх выніку адзначыў, што бачыць пэўны прагрэс у вайсковым кірунку перамоў, але не ў палітычным.
Паводле інфармацыі СМІ, палітычныя кансультацыі ў Жэневе сутыкнуліся з цяжкасцямі праз пазіцыі кіраўніка расійскай дэлегацыі Уладзіміра Мядзінскага. Разам з тым Уіткаф заявіў, што ў найбліжэйшыя тыдні могуць з’явіцца «добрыя навіны» адносна магчымасці заканчэння расійска-ўкраінскай вайны, і не выключыў правядзення сустрэчы прэзідэнтаў Украіны і Расіі Уладзіміра Зяленскага і Уладзіміра Пуціна найбліжэйшым часам.
«Пуцін ужо пачаў Трэцюю сусветную». Зяленскі пра перамір'е, выбары і саступкі Расіі
Кіраўнікі еўрапейскіх разведслужбаў не разлічваюць на спыненне вайны ў гэтым годзе — Reuters
Прадстаўнікі Украіны і Расіі сустрэліся асобна пасля завяршэння трохбаковых перамоў у Жэневе
Уіткаф пасля перамоў у Жэневе заявіў аб велізарным прагрэсе
Вашынгтон паставіў новую дату завяршэння вайны ва Украіне — Bloomberg
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары