Іран вырашыў адмовіцца ад усіх запасаў узбагачанага ўрану па патрабаванні ЗША
Кіраўнік МЗС Амана Бадр аль-Бусаідзі заявіў у інтэрв’ю CBS News, што Іран пагадзіўся адмовіцца ад усіх запасаў узбагачанага ўрану па патрабаванні ЗША. Маскат выступае пасярэднікам у перамовах паміж Вашынгтонам і Тэгеранам.
«Самым важным дасягненнем, я лічу, з’яўляецца згода на тое, што ў Ірана ніколі і ні пры якіх абставінах не будзе ядзернага матэрыялу, які дазволіць стварыць бомбу. Гэта робіць спрэчку аб узбагачэнні менш актуальнай, бо цяпер мы гаворым пра нулявыя запасы», — сказаў міністр.
Ён дадаў, што кантроль за выкананнем пагаднення павінна будзе ажыццяўляць МАГАТЭ.
«Я думаю, што цяпер ёсць згода, што існуючыя запасы будуць перапрацаваныя да мінімальна магчымага ўзроўню — фактычна да натуральнага ўзроўню — пасля чаго перапрацаваныя ў паліва, і гэты працэс будзе незваротным», — растлумачыў Бадр аль-Бусаідзі.
Каментары