ААЭ і Саудаўская Аравія прыгразілі Ірану адказам на ўдары па іх тэрыторыі
Міністэрства абароны Аб’яднаных Арабскіх Эміратаў у сваёй афіцыйнай заяве паведаміла, што краіна стала аб’ектам «абуральнай атакі з выкарыстаннем іранскіх балістычных ракет».
У заяве адзначаецца, што пры перахопе аскепкі ракеты ўпалі на жылы раён Абу-Дабі, у выніку чаго загінуў адзін чалавек.
«ААЭ пакідаюць за сабой поўнае права адказаць на гэтую эскалацыю і прыняць усе неабходныя меры для абароны сваёй тэрыторыі, сваіх грамадзян і жыхароў», — аб’явіла ведамства.
Міністэрства замежных спраў Саудаўскай Аравіі асудзіла «абуральную агрэсію Ірана» і выказала поўную салідарнасць з краінамі ААЭ, Бахрэйнам, Катарам, Кувейтам і Іарданіяй. Таксама было зроблена папярэджанне аб сур’ёзных наступствах у выпадку працягнення падобных «парушэнняў міжнароднага права».
Міністэрства абароны Катара заявіла, што ўзброеныя сілы паспяхова адбілі другую хвалю атак, назваўшы ўдары «абуральным парушэннем» свайго суверэнітэту.
Ведамства адзначыла, што Катар заўсёды заклікаў да дыялогу з Іранам і што напады на краіну «не могуць быць прыняты ні пад якім апраўданнем або прычынай», паколькі яна заўсёды трымалася ў баку ад рэгіянальных канфліктаў.
Раней Іран нанёс удары па амерыканскіх ваенных аб’ектах у некалькіх краінах рэгіёну.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары