У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы
У дзяўчыны выявілі пухліну яечніка, і лекары прынялі рашэнне выдаліць гэты орган, аднак падчас аперацыі гінеколаг самавольна вырашыў пашырыць аб'ём умяшання і выдаліў ёй усю матку без якой-небудзь неабходнасці.
Польскаму гінеколагу, прафесару Дарыюшу С., можа пагражаць суровае пакаранне за тое, што падчас аперацыі ён пазбавіў маладую дзяўчыну магчымасці мець дзяцей. Пра гэты жахлівы выпадак піша выданне The Warsaw са спасылкай на Gazeta Wyborcza.
У 2024 годзе беларуска Вікторыя звярнулася ў адну з бальніц Познані з болямі ў жываце. УГД выявіла пухліну яечніка, і лекары прынялі рашэнне выдаліць гэты орган. Аднак падчас аперацыі, не чакаючы вынікаў гістапаталагічнага даследавання, гінеколаг самавольна вырашыў пашырыць аб'ём умяшання. Ён выдаліў дзяўчыне другі яечнік, матачныя трубы і матку, назаўжды пазбавіўшы яе здольнасці да дзетараджэння.
Пазней высветлілася, што пухліна мела нізкую ступень злаякаснасці, і радыкальная аперацыя не была неабходнай — шанцы на выжыванне пацыенткі былі блізкія да 100% нават без выдалення ўсіх органаў.
Пракуратура Познані сцвярджае, што лекар дзейнічаў без усвядомленай згоды пацыенткі і парушыў медыцынскія працэдуры. Больш за тое, у дакументах былі знойдзеныя недакладныя звесткі пра ход аперацыі, а пра тое, што адбылося насамрэч, дзяўчына даведалася толькі праз чатыры дні.
Нацыянальны кансультант па анкагінекалогіі назваў дзеянні калегі непрафесійнымі, а іншыя медыкі ў каментарах выданню выказаліся яшчэ больш жорстка: «Ён выпатрашыў яе, як мяснік».
Лекар сваёй віны не прызнае. Яму пагражае да 20 гадоў пазбаўлення волі.
Цяпер чытаюць
«Я супрацоўнік КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку15
Каментары
Пасадзяць канавала ? 🤡
Не сьмяшыця маіх курэй ! 😊