Беларуская чыгунка запусціла ўласную сетку кавярняў самаабслугоўвання. Праект ужо пачаў працаваць на шэрагу вакзалаў краіны, паведамляе прэс-служба БЧ.
Кавярні аформленыя ў фірмовым стылі Беларускай чыгункі — іх можна пазнаць па лаканічным дызайне і знаку «БЧ». Нягледзячы на фармат самаабслугоўвання, для пасажыраў прадугледжаны фармат «асабістага барысты» — маецца на ўвазе аўтаматызаваная сістэма прыгатавання напояў.
Пункты працуюць кругласутачна ў залах чакання 11 вакзалаў, у тым ліку ў Баранавічах-Палескіх, Брэсце-Цэнтральным, Віцебску, Гродне, Гомелі, Полацку, Магілёве і іншых гарадах. У найбліжэйшы час сетку плануюць пашырыць і на іншыя лакацыі.
Для прыгатавання напояў выкарыстоўваецца 100% арабіка. У меню — эспрэса, амерыкана, капучына, вяршковы латэ, шакаладны макачына, гарачы шакалад, шакаладнае малако і бананавы раф. Аплаціць пакупку можна бескантактнымі банкаўскімі карткамі або смартфонам.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары