Падчас сустрэчы з паслом Узбекістана ў Беларусі Рахматулой Назаравым Аляксандр Лукашэнка заявіў, што Беларусь цалкам адкрытая для прыёму працавітых грамадзян Узбекістана.
Лукашэнка падкрэсліў, што ў Беларусі ўжо жыве шмат узбекаў, якія гатовыя працаваць, таму ўлады радыя запрашаць іх цэлымі сем’ямі. Ён адзначыў, што рост насельніцтва ў Беларусі значна меншы, чым ва Узбекістане, таму працавітыя замежныя рабочыя вітаюцца.
Таксама Лукашэнка запэўніў, што беларускія ўлады строга кантралююць прыём замежных рабочых, каб людзі дакладна ведалі, на якую работу іх запрашаюць. Беларусы пры гэтым нібыта забяспечваюць усе неабходныя ўмовы для іх дзяцей — ад дзіцячых садкоў і школ да вышэйшай адукацыі, на роўні з беларусамі, расіянамі, украінцамі і іншымі.
Лукашэнка падкрэсліў, што ў Беларусі ёсць шырокія магчымасці для жыцця і працы, а Мінск гатовы развіваць супрацоўніцтва з Ташкентам, улічваючы гістарычную дапамогу Узбекістана беларусам падчас эвакуацыі ў гады вайны.
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала10
Каментары