Улады Пакістана абмяркоўваюць магчымасці працоўнай міграцыі ў Беларусь. Абмеркаванні гэтага пытання прайшлі на пасяджэнні Пастаяннага камітэта па справах пакістанцаў за мяжой у Сенаце, верхняй палаце парламента Пакістана, паведамляе Reform.news са спасылкай на мясцовую прэсу.
На пасяджэнні міністр па справах пакістанцаў за мяжой заявіў, што грамадзяне Пакістана могуць разлічваць у Беларусі на 198 тысяч вакансій, у тым ліку ў прамысловасці, сельскай гаспадарцы і будаўніцтве.
Па словах міністра, на працягу двух месяцаў Беларусь і Пакістан падпішуць мемарандум аб узаемаразуменні, пасля чаго пакістанцы змогуць выязджаць у Беларусь.
На пасяджэнні заявілі, што мінімальны заробак у Беларусі складае 7 даляраў (амаль 23 рублі), але за які час, не ўдакладнілі. Для працы патрэбна руская мова, якую можна вучыць у Нацыянальным універсітэце сучасных моў.
Мінімальны месячны заробак у Беларусі цяпер складае 726 рублёў. Гэта значыць пры 8-гадзінным працоўным дні і 20 працоўных днях у месяцы мінімальны заробак у гадзіну будзе 4,5 рубля.
Бюро па эміграцыі і працаўладкаванні за мяжой Пакістана паведамляе пра нелегальныя аб'явы аб працы ў Беларусі, якія ўжо распаўсюджваюцца ў краіне. На сайце бюро ў раздзеле са спісам вакансій за мяжой пакуль няма ніводнай прапановы для працы ў Беларусі.
На пасяджэнні Камітэта таксама прапанавалі спрасціць працэс выдачы віз у Беларусь і Еўропу, паведамляе старшыня камітэта ў сацсетцы X.
Месяц таму на сустрэчы з прэм'ерам Пакістана, які прылятаў з візітам у Мінск, Лукашэнка прапанаваў прыняць у Беларусі 150 тысяч пакістанцаў у якасці працоўнай сілы. Гэтыя планы выклікалі вельмі неадназначную рэакцыю ў грамадстве, у выніку чаго і сам Лукашэнка, і ягоныя чыноўнікі ды прапагандысты мусілі выступаць з тлумачэннямі сваіх намераў.
Ці варта чакаць наплыву ў Беларусь пакістанскіх гастарбайтараў?
Лукашэнка: Мы хочам з Пакістана спецыялістаў, а не проста моладзь. І найперш у Баранавічы
Навошта Лукашэнку спатрэбіліся 150 тысяч пакістанцаў?
Што значыць прыезд 150 тысяч мігрантаў з Пакістана ў Беларусь: погляд Ігара Тура
«Яны чамусьці думаюць, што іх зараз згвалцяць». Прапаганда кінулася тушыць абурэнне беларусаў 150 тысячамі пакістанцаў
Ці расце злачыннасць пасля прыезду імігрантаў? Праверылі на прыкладзе Польшчы
Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»
У сітуацыі з пакістанцамі ўлады сталі закладнікамі сваёй жа прапаганды і сваіх ідэалагем
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам6
Каментары