Вызваліўся адзін з пачынальнікаў беларускамоўнага ЖЖ Іван Марозаў — гэта быў яго другі палітычны тэрмін
Марозаў правёў на свабодзе каля года паміж першым вызваленнем і другім арыштам.
Стала вядома пра вызваленне блогера Івана Марозава. Ён цалкам адбыў другі тэрмін па палітычным абвінавачванні.
Спачатку Марозава арыштавалі ў студзені 2023 года. Ён атрымаў паўтара года зняволення за ўдзел у пратэстах. Выйшаў з калоніі ў Шклове ў красавіку 2024 года.
У чэрвені 2025 года па Марозава прыйшлі зноў. Яго абвінавацілі ў абразе Аляксандра Лукашэнкі.
Праваабаронцы меркавалі, што блогеру прысудзілі 2,5 года зняволення, аднак, магчыма, суд часткова залічыў яму ўжо раней адбыты тэрмін.
Так ці іначай, днямі Марозаў вызваліўся з «рэцыдывісцкай» калоніі ў Оршы.
Івану Марозаву 43 гады. У 2000‑я ён вёў блог у Livejournal пад нікам hondurazian. Юрыст па адукацыі, Марозаў працаваў у IT-сферы. Таксама быў сярод арганізатараў квэста «Схватка».
«Наша Нiва» — бастыён беларушчыны
ПАДТРЫМАЦЬЦяпер чытаюць
Беларусаў па вяртанні дамоў на мяжы ўсё часцей раздзяваюць дагала5
Каментары