У Мінску з наступнага тыдня будуць экспанаваць знакамітую «Прагулку» Шагала
З 8 красавіка ў Нацыянальным мастацкім музеі можна будзе ўбачыць знакамітую карціну Марка Шагала «Прагулка». Выстава аднаго шэдэўра будзе даступная да 6 ліпеня.
Фота: Рускі музей
Карціна ўваходзіць у калекцыю Рускага музея ў Санкт-Пецярбургу, але на некалькі месяцаў яе выставяць у нашым Нацыянальным мастацкім музеі, піша Office Life.
«Прагулка» з’яўляецца адным з праграмных твораў Марка Шагала. Карціна была напісана ў 1917 годзе. Яна ўваходзіць у трыпціх разам з такімі працамі, як «Двайны партрэт» і «Над горадам».
Гэта цыкл твораў, якія прадстаўляюць аўтапартрэт мастака з маладой жонкай Белай. Усе карціны звязаныя з родным горадам Шагала — Віцебскам.
«Над горадам» знаходзіцца ў Траццякоўскай галерэі, а «Двайны партрэт» — у парыжскім музеі Цэнтра Жоржа Пампіду.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары