Названы новы рэйтынг найлепшых рэстаранаў Беларусі. Вось хто ўвайшоў у топ-10
6 красавіка прайшла другая цырымонія ўручэння міжнароднай рэстараннай прэміі Wheretoeat Belarus 2026. На ёй абвясцілі рэйтынг 50 найлепшых рэстарацый краіны, а таксама назвалі пераможцаў спецыяльных намінацый, піша Onliner.
У дзясятку найлепшых рэстарацый Беларусі ўвайшлі: Bergamo, SeaFoodBar Minsk, Charlie, Nola, Amo, Cultura, «МонеМане», «Бульбашы», Marbl і Zalkind Kitchen — усе яны знаходзяцца ў Мінску.
Bergamo, створаны італьянцам Маўрыцыа Дзаніні, — адзін з найстарэйшых бесперапынна дзейных рэстаранаў Мінска, ён адкрыўся ў 1994 годзе на Крапоткіна і да гэтага часу працуе ў тым жа месцы. Летась Bergamo заняў толькі трэцяе месца ў топ-10 прэміі.
У спецыяльнай намінацыі «Шэф-кухар года» пераможцам стаў Мікіта Цвяткоў, які працуе ў рэстаранах Nola і Bergamo.
Найлепшым шэф-кандытарам прызналі Марыю Праташчык з рэстарана Fabriq.
Узнагароду «Самелье года» атрымала Кацярына Крэчык з рэстарацыі Charlie.
У намінацыі «Бар года» перамог мінскі бар «Персанажы».
Узнагароду «Выбар СМІ» атрымаў рэстаран Amo, а найлепшым рэстаранам беларускай кухні прызнана сетка рэстаранаў «Лiтвiны».
Лаўрэатам спецыяльнай намінацыі ад банка «Сбер» стаў рэстаран «Сарэнта».
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе47
Каментары
Гэта адзінае месца з пералічаных, дзе я быў. Помню, што то месца было не таннае, а госці былі прыстойныя.
ты ўжо сябе шмат разоў абразіў на беларускіх сайтах.