Nazvany novy rejtynh najlepšych restaranaŭ Biełarusi. Voś chto ŭvajšoŭ u top-10
6 krasavika prajšła druhaja cyrymonija ŭručeńnia mižnarodnaj restarannaj premii Wheretoeat Belarus 2026. Na joj abviaścili rejtynh 50 najlepšych restaracyj krainy, a taksama nazvali pieramožcaŭ śpiecyjalnych naminacyj, piša Onliner.
U dziasiatku najlepšych restaracyj Biełarusi ŭvajšli: Bergamo, SeaFoodBar Minsk, Charlie, Nola, Amo, Cultura, «MonieManie», «Bulbašy», Marbl i Zalkind Kitchen — usie jany znachodziacca ŭ Minsku.
Bergamo, stvorany italjancam Maŭrycya Dzanini, — adzin z najstarejšych bieśpierapynna dziejnych restaranaŭ Minska, jon adkryŭsia ŭ 1994 hodzie na Krapotkina i da hetaha času pracuje ŭ tym ža miescy. Letaś Bergamo zaniaŭ tolki treciaje miesca ŭ top-10 premii.
U śpiecyjalnaj naminacyi «Šef-kuchar hoda» pieramožcam staŭ Mikita Ćviatkoŭ, jaki pracuje ŭ restaranach Nola i Bergamo.
Najlepšym šef-kandytaram pryznali Maryju Prataščyk z restarana Fabriq.
Uznaharodu «Samielje hoda» atrymała Kaciaryna Krečyk z restaracyi Charlie.
U naminacyi «Bar hoda» pieramoh minski bar «Piersanažy».
Uznaharodu «Vybar ŚMI» atrymaŭ restaran Amo, a najlepšym restaranam biełaruskaj kuchni pryznana sietka restaranaŭ «Litviny».
Łaŭreatam śpiecyjalnaj naminacyi ad banka «Śbier» staŭ restaran «Sarenta».
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary
Heta adzinaje miesca ź pieraličanych, dzie ja byŭ. Pomniu, što to miesca było nie tannaje, a hości byli prystojnyja.
ty ŭžo siabie šmat razoŭ abraziŭ na biełaruskich sajtach.