Буданаў: Я бачу прагрэс у перамовах з Расіяй, і працэс можа не заняць шмат часу
Кіраўнік Офіса прэзідэнта Украіны Кірыла Буданаў у інтэрв’ю агенцтву Bloomberg адзначыў, што, нягледзячы на адсутнасць пакуль канкрэтных вынікаў, бакі нібыта паступова рухаюцца да паразумення і шукаюць кампраміс.
Паводле слоў Кірылы Буданава, і Украіна, і Расія пачынаюць лепш разумець межы таго, што для іх з’яўляецца прымальным.
Ён таксама выказаў думку, што Расія, як і Украіна, зацікаўлена ў завяршэнні вайны, таму перамоўны працэс працягваецца пры пасярэдніцтве ЗША.
«Яны ўсе разумеюць, што вайна павінна скончыцца. Вось чаму яны дамаўляюцца», — сказаў Буданаў у інтэрв’ю выданню 4 красавіка.
«Не думаю, што гэта зойме доўгі час», — дадаў ён.
Ён адзначыў важнасць таго, што амерыканскі бок застаецца ўцягнутым у гэтыя перамовы.
Разам з тым ён адмовіўся раскрываць магчымыя ўмовы кампрамісу, асабліва па тэрытарыяльных пытаннях, назваўшы іх самым складаным элементам перамоў.
Паводле яго ацэнкі, важным крокам таксама з’яўляецца магчымы візіт прадстаўнікоў ЗША ва Украіну і далейшыя кантакты паміж бакамі. Абмяркоўваецца і магчымасць новага абмену палоннымі на перыяд Вялікадня.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары