Сталі вядомыя падрабязнасці жорсткіх здзекаў з вучня ў адной са школ Гродна, якога падлеткі падвесілі ў туалеце і здымалі гэта на відэа, паведамляе тэлеканал «Гродна Плюс».
Раней паведамлялася, што ў адной са школ Гродна здарыўся выпадак жорсткага булінгу: група падлеткаў здзекавалася са свайго аднагодка і здымала гэта на відэа.
Паводле слоў пацярпелага, усё пачалося ў школьным туалеце, дзе знаходзіліся трое падлеткаў. Спачатку яны пачалі яго хапаць і цягнуць за гумку ад трусоў. Хлопцу ўдалося вырвацца і выбегчы, але яго дагналі, зноў занеслі ў туалет і ўжо там утрох паднялі і падвесілі на кручок за тую ж гумку (раней паведамлялася, што за партфель).
Па словах хлопца, ён пытаўся, навошта яны гэта робяць, але ў адказ тыя толькі смяяліся і працягвалі здымаць усё на тэлефон.
Пасля гэтага падлеткі пайшлі, пакінуўшы яго аднаго. Хлопец сцвярджае, што правісеў у бездапаможным стане каля 20—30 хвілін, пакуль не змог самастойна вызваліцца.
Пра здарэнне дарослыя даведаліся выпадкова. У той дзень бацьку выклікалі ў школу па іншай прычыне, і спачатку падумалі, што сын проста ўцёк з урока. Толькі потым высветлілася, што ён увесь гэты час знаходзіўся ў туалеце пасля здзекаў.
Сам школьнік доўга не хацеў нічога расказваць, бо яму было сорамна. Ён нават не збіраўся паведамляць пра гэта, бо лічыў, што скардзіцца ў такой сітуацыі «не па-пацанску».
У выніку ў дачыненні да ўдзельнікаў інцыдэнту складзеныя адміністрацыйныя пратаколы за дробнае хуліганства. Справы 14‑ці і 17‑ці гадовых падлеткаў будуць разглядацца камісіяй па справах непаўналетніх, а 18‑гадовага ўдзельніка чакае суд.
У Гродне трое школьнікаў здзекаваліся з іншага падлетка: падвесілі за партфель у прыбіральні
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
Што рабіць бацькам, калі іх дзіця цкуюць у школе, каб булінг не скончыўся трагедыяй? Тлумачыць псіхолаг
У Брэсце дзесяцікласнік-кадэт скончыў жыццё самагубствам
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары