«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
У сярэдзіне лютага ў брэсцкай школе №35 дзесяцікласнік-кадэт скончыў жыццё самагубствам. У сацсетках пісалі, што прычынай стаў булінг. Яго бацькі цяпер расказалі, што падлетка сапраўды цкавалі.
15‑гадовы Арцём Карповіч перайшоў у гэту школу пасля заканчэння пачатковых класаў у іншай установе. Летась яго паставілі на спецыяльны ўлік пасля «правіннасці ў сеціве», расказалі на СТБ.
Маці Святлана кажа, што ў сына была тонкая, ранімая натура.
«Ён такі тонкі, ён можа заплакаць, калі яго давядуць. Можа, мая віна, таму што я яму з маленькага ўзросту казала «мужчыны таксама плачуць».
Пра булінг у школе сын расказваў дома неахвотна. Але за пару дзён да трагедыі адправіў маці паведамленне: «Мама, давай напішам заяву ў міліцыю. Таму што ён мяне ўжо дастаў. Ён увесь час лезе і абзываецца».
«У панядзелак мы прыдумалі прычыну, каб ён не пайшоў у школу, таму што яму яшчэ ўсё вось… А ў аўторак ён сабраўся, пайшоў…» — згадвае праз хваляванне Святлана.
У дзень трагедыі яна сабрала сына ў школу, а сама паехала на працу, але на ўрокі сын так і не прыйшоў. Скінуўся з шматпавярховіка.
У апошнім паведамленні, якое ён адправіў у школьны чат, Арцём папракнуў аднакласнікаў і педагога ў цкаванні.
«Гэта ўсё з-за вас, вы мяне дазволілі давесці да такога стану, што я пакіну свой свет», — пісаў хлопец.
Маці кажа, што яны думалі перавесці сына ў іншую школу, яна размаўляла з класнай кіраўніцай, але тая сказала, што ўсё нібыта нармальна. Арцём стаў закрывацца.
Іншыя школьнікі пацвярджаюць: хлопца сапраўды булілі.
Намеснік дырэктара школы пракаментаваў сітуацыю СТБ коратка: «Цкавання не было, булінгу не было».
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары