У Брэсце здарылася трагедыя: загінуў вучань 10 класа сярэдняй школы № 35. Паводле паведамленняў у сацсетках, падлетак скончыў жыццё самагубствам. Перад смерцю ён нібыта пакінуў запіску, у якой згадваў прозвішчы аднакласнікаў.
Трагедыя, паводле папярэдніх звестак, адбылася ў сярэдзіне лютага. Прычынай магло стаць цкаванне ў школе.
У каментарах пад інфармацыяй у сацсетках аб трагедыі людзі пішуць, што пра здарэнне ўжо ведаюць вучні і бацькі.
«Мая дачка вучыцца ў 35-й, у іх уся школа гудзіць ад гэтай навіны. Вельмі шкада бацькоў хлопца», — напісала адна з каментатарак.
Іншыя дадаюць дэталі.
«Хлопчык, 10 клас, у 35‑й школе вучыўся, кадэцкі клас. Саскочыў з 20‑га паверха, перад гэтым у агульны чат школы пакінуў цыдулку з усімі прозвішчамі крыўдзіцеляў», — сцвярджаюць у каментарах.
«Скокнуў з даху. Нібыта булінг. Пакінуў запіску, дзе згадаў многіх, у тым ліку класную», — пішуць у абмеркаваннях.
На момант публікацыі афіцыйных каментароў ад дзяржаўных органаў няма.
Мы патэлефанавалі ў адміністрацыю школы і пад выглядам занепакоеных бацькоў пацікавіліся, што адбылося.
— Вам няма чаго хвалявацца, — стомленым голасам адказала намесніца дырэктара па навучальнай працы і перапыніла размову.
Ва ўпраўленні адукацыі Маскоўскага раёна Брэста «Люстэрку» пацвердзілі, што па дадзеным факце праводзіцца праверка.
Тым часам бацькі школьнікаў у чатах просяць адміністрацыі навучальных устаноў правесці размовы з дзецьмі і педагогамі.
-
«Я заўсёды быў праўкраінскім чалавекам». Беларус амаль 20 гадоў працаваў у Маскве — вось што з ім адбылося пасля 2022‑га
-
У Беларусі — 365 экстрэмісцкіх фармаванняў і арганізацый
-
«Бываюць проста болевыя запоі. Калі ты з болю не вылазіш…». Галіна Казіміроўская — пра барацьбу з анкалогіяй, хіміятэрапію і тое, чаму не ўмее прасіць дапамогі
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»59
Каментары