У гэтым годзе да Дня Перамогі ў Гродне будуць фарсіраваць Нёман
Старшыня Гродзенскага аблвыканкама Юрый Караеў не шкадуе грошай для маштабных рэканструкцый. Летась у Гродне штурмавалі Дом культуры тэкстыльшчыкаў як Рэйхстаг, у гэтым годзе запланавалі браць Нёман.
Як паведамляе прэс-служба Гродзенскага аблвыканкама, 10 мая каля Старога моста ў Гродне пройдзе маштабная рэканструкцыя вызвалення горада з фарсіраваннем ракі Нёман.
«Рэканструкцыю пераправы праз раку і штурм асаджанага нямецка-фашысцкімі захопнікамі горада пакажуць удзельнікі Беларускага ваенна-гістарычнага клубнага аб’яднання «Гонар мундзіра». У мінулым годзе менавіта яны праводзілі ў Гродне яркія рэканструкцыі ўзяцця Рэйхстага і вызвалення горада ў Швейцарскай даліне», — паведамляе канал.
Днямі Юрый Караеў паведаміў, што марыць зладзіць штурм Мірскага замка мангола-татарамі. Яго не бянтэжыць, што замак быў пабудаваны ў пачатку XVI стагоддзя, а татар і крыжакоў Вялікае Княства Літоўскае разбіла гадоў на сто раней, пад Сінімі Водамі і Грунвальдам.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары72
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць3030
Каментары