Мадзьяр заклікаў Зяленскага аднавіць транзіт нафты па трубаправодзе «Дружба»
Будучы прэм’ер-міністр Венгрыі Петэр Мадзьяр заклікаў прэзідэнта Украіны Уладзіміра Зяленскага аднавіць транзіт расійскай нафты па трубаправодзе «Дружба», калі ён прыдатны да эксплуатацыі, заявіўшы, што новы ўрад не пойдзе «ні на якія саступкі» ў гэтым пытанні.
Пра гэта, як піша «Еўрапейская праўда», Мадзьяр сказаў падчас прэс-канферэнцыі, цытуе Telex.
Падчас размовы з прэсай лідар «Цісы» звярнуўся да ўкраінскага прэзідэнта з заклікам «выканаць сваё абяцанне» і аднавіць працу трубаправода «Дружба».
У сваім звароце Мадзьяр таксама перасцярог Зяленскага ад «шантажу» Венгрыі адносна разблакавання нафтаправода.
«Мы не пойдзем ні на якія саступкі, і я б не раіў, яшчэ раз кажу, мы не ведаем адзін аднаго, але я б не раіў украінскаму прэзідэнту ісці гэтым шляхам. Гэта не ўспрымуць не толькі ў Венгрыі, але і ў Еўропе; еўрапейскія лідары таксама не ўспрымуць, што ён хоча пераглядзець ужо ўзгодненыя рэчы і шантажаваць еўрапейскіх лідараў», — заявіў Мадзьяр.
Ён параўнаў учынкі ўкраінскага прэзідэнта з патрабавальнымі паводзінамі падчас вячэры.
«Гэта калі б нехта пайшоў на вячэру, яго запрасілі, а потым ён пачаў шантажаваць: калі не будзе леча, ці не спякуць на сярэднім агні, то я зраблю тое і тое. На маю думку, гэта няправільнае стаўленне, і я б не раіў так паступаць», — сказаў Мадзьяр.
Дзеючы прэм’ер-міністр Венгрыі Віктар Орбан напярэдадні заявіў, што Украіна выказала гатоўнасць аднавіць пастаўкі нафты па трубаправодзе «Дружба» ў панядзелак, пры ўмове, што Будапешт разблакуе крэдыт ЕС на суму 90 млрд еўра.
Пры гэтым кіраўнік венгерскага ўрада паўтарыў сваю пазіцыю аб тым, што ён разблакуе крэдыт толькі пасля таго, як будуць адноўлены пастаўкі расійскай нафты па трубаправодзе «Дружба».
Паводле звестак «Еўрапейскай праўды», паслы ЕС паспрабуюць канчаткова ўхваліць крэдыт на 90 млрд еўра для Украіны 22 красавіка.
Будучы прэм’ер-міністр Венгрыі Петэр Мадзьяр даў зразумець, што не будзе блакаваць крэдыт ЕС для Украіны на 90 млрд еўра, паколькі рашэнне ўжо прынятае, але пацвердзіў, што Будапешт не будзе ў ім удзельнічаць.
Цяпер чытаюць
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы2727
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы27
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6363
Каментары