Аб'яднаны пераходны кабінет прапануе юрыдычную дапамогу студэнтам ЕГУ
АПК выказаў падтрымку студэнтам Еўрапейскага гуманітарнага ўніверсітэта ў Вільні, які на мінулым тыдні беларускія ўлады прызналі экстрэмісцкай арганізацыяй.
«Калі вы знаходзіцеся ў Беларусі або павінны туды паехаць, не насіце з сабой дакументы або прадметы, звязаныя з ЕГУ (студэнцкі білет, сертыфікаты, кантракты, фірмовыя матэрыялы), і не паказвайце дыплом ЕГУ дзяржаўным органам або працадаўцам.
Ачысціце свае лічбавыя сляды: выдаліце кантэнт, звязаны з ЕГУ, з прылад, якімі вы можаце карыстацца ў Беларусі; праглядзіце сацыяльныя сеткі на наяўнасць згадак, падпісак, лайкаў і рэпостаў, звязаных з ЕГУ, і выдаліце або схавайце іх.
Не паведамляйце, што вы вучыцеся або вучыліся ў ЕГУ, калі размаўляеце з беларускімі чыноўнікамі або сілавымі структурамі, і не ўступайце ў дыялог з падазронымі анлайн-акаўнтамі, якія пагражаюць вам або прапануюць «вырашыць праблему».
У той жа час ваша адукацыя і будучыня застаюцца важнымі для нас. Калі вы разглядаеце магчымасць працягу навучання ў Літве, Польшчы або іншых краінах ЕС, або калі вы не ўпэўненыя, што рабіць далей, мы гатовыя дапамагчы вам арыентавацца ў варыянтах», — гаворыцца ў заяве АПК.
АПК прапануе студэнтам звяртацца да іх з наступнымі пытаннямі:
- асабістая бяспека і падарожжы,
- рызыкі для студэнтаў і іх сем'яў,
- магчымы перавод або працяг навучання ў ЕС,
- псіхалагічная і юрыдычная падтрымка.
Прапануецца пісаць на адрас m.vorykhava @ belaruscabinet.org або скарыстацца бяспечнай формай на сайце «This is Youth»: thisisyouth.info.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?2
Каментары
Два года отучилась в БГЭУ на факультете экономики и менеджмента. Была вынуждена уехать из Беларуси в 2021 году из-за массовой ликвидации государством общественных организаций[2]. В 2022 году работала проектной менеджеркой в маркетинговом агентстве в Тбилиси[1]. Год училась в ЕГУ на международной экономике и политике. Работала в IT-компании, однако в 2023 завершила работу и полностью перешла в Офис Светланы Тихановской
Зато эксперт по гендеру: Vorychava's activist priorities are gender equality, gender diversity and European integration.[1]