У галоўных ролях — Святлана Зелянкоўская і Алег Гарбуз.
Кароткаметражны фільм «The Final Test» («Апошняе выпрабаванне») рэжысёра Яўгена Лыткіна увайшоў у конкурсную праграму 23‑га Neisse Nysa Nisa Film Festival.
Пра ўдзел у конкурсе паведаміў прадзюсар Дзяніс Іваноў.
Паказы фільма адбудуцца 27 і 31 мая.
Раней стужку паказвалі ў ЗША — на Low & No Budget Film Festival у горадзе Портленд штата Мэн.
Фільм зняты ў Польшчы. Гэта драма пра школьную настаўніцу, якая апынаецца перад складаным маральным выбарам.
У галоўных ролях — Святлана Зелянкоўская, вядомая ў тым ліку па ролі Настассі Слуцкай, купалавец Алег Гарбуз, Аляксей Бурнасенка.
Для рэжысёра Яўгена Лыткіна гэта не першая праца. Раней ён працаваў над стужкамі «Забароненая група» (2022), «Школа» (2019), «Вцвет» (2018), «РО і ДЖ» (2016).
Еўрапейскі паказ фільма адбудзецца ў знакавых лакацыях. 27 мая ў Гёрліцы — горадзе, які за сваю кінематаграфічную гісторыю атрымаў мянушку «Гёрліўуд» (там здымаліся «The Grand Budapest Hotel» і «Inglourious Basterds»), — пройдзе паказ і сустрэча з удзелам рэжысёра Яўгена Лыткіна, прадзюсара Дзяніса Іванова і мантажора Міхаіла Васілевіча. Таксама паказ запланаваны ў нямецкім Гросхенерсдорфе.
Фестываль праходзіць на стыку Германіі, Польшчы і Чэхіі і штогод збірае аўтарскае кіно рэгіёна. Сёлета фестываль атрымаў каля 1200 заявак.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары