У міліцыі мінчуку патлумачылі, што ён выконваў заданні махляроў. Але ён не паслухаў
Міліцыя затрымала 25‑гадовага цырульніка, які працягваў выконваць заданні тэлефонных ашуканцаў нават пасля гутаркі з сапраўднымі міліцыянтамі.
Каля месяца таму мужчына быў затрыманы міліцыянтамі за тое, што забраў грошы ў ашуканага мінчука і пакінуў іх у тайніку для наступнага кур’ера.
Тады ён тлумачыў, што не разумеў злачыннасці сваіх дзеянняў і думаў, што дапамагае людзям абмяняць грошы на крыптавалюту.
Аднак ужо пасля завядзення крымінальнай справы хлопец далей размаўляў з куратарам і выканаў яшчэ два яго заказы ў Мінску і Салігорску. Там ён забраў грашовыя сродкі ў памеры амаль 90 тысяч рублёў і перадаў іх далей па злачынным ланцужку.
За што атрымаў каля пяці тысяч рублёў.
Заведзеена крымінальная справа за махлярства ў асабліва буйным памеры. Хлопцу пагражае пазбаўленне волі ад трох да 12 гадоў.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары