Спецыялісты Мінскага гарадскога цэнтра гігіены і эпідэміялогіі падзяліліся простымі лайфхакамі, якія дапамогуць знайсці самыя спакушальныя і духмяныя ягады на прылаўку.
Галоўны сакрэт у чашалісціках. Калі лісцікі шчыльна прылягаюць да ягад — яны, хутчэй за ўсё, будуць кіславатыя.
Калі лісцікі злёгку адагнутыя — перад вамі спелыя салодкія ягады.
Акрамя гэтага, эксперты раяць выбіраць сухія ягады ярка-чырвонага колеру з зялёнымі і мясістымі чашалісцікамі.
Перад пакупкай таксама панюхайце трускалкі. Яны павінны мець яркі, насычаны сунічны водар.
Калі паху няма, гэта значыць, што яны даспявалі ў дарозе.
Трускалкі хутка псуюцца, таму купляйце столькі, колькі зможаце з'есці за адзін-два дні. Лішкі можна смела замарожваць — ягады выдатна захоўваюць вітаміны.
Санітарныя дактары таксама настойліва напамінаюць: ні ў якім разе не каштуйце нямытыя ягады з прылаўка.
Цяпер чытаюць
Беларуска знайшла італьянскую сям’ю, якая прыняла яе пасля Чарнобыля. Яна думала, што італьянцы яе кінулі1
Каментары