У Баранавіцкім раёне трапіў у ДТЗ аўтамабіль з клубніцамі. Ягады заслалі дарогу ФОТА
У Баранавіцкім раёне адбылося дарожна-транспартнае здарэнне з удзелам легкавога аўтамабіля Mercedes. Аварыя здарылася 11 чэрвеня каля 18‑й гадзіны на аўтамагістралі М1 «Брэст — Мінск — мяжа Расійскай Федэрацыі», паведамляе УУС Брэсцкага аблвыканкама.
За рулём аўтамабіля знаходзіўся 29‑гадовы кіроўца, які рухаўся па трасе. Калі машына даехала да 243‑га кіламетра дарогі, адбылася нечаканая тэхнічная няспраўнасць: у аўтамабіля адначасова лопнулі два колы з правага боку — пярэдняе і задняе.
З-за раптоўнай страты кіравальнасці машынай кіроўца не змог утрымаць яе на дарозе, аўтамабіль перакуліўся.
У выніку дарожнага здарэння людзі не пацярпелі. Кіроўца змог пазбегнуць траўмаў, аднак сам аўтамабіль атрымаў механічныя пашкоджанні. Акрамя таго, быў пашкоджаны груз, які перавозіўся ў машыне — клубніцы.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары