Талончыкамі ў мінскім грамадскім транспарце карыстаецца 13,5% пасажыраў
Колькасць аматараў талончыкаў змяншаецца.
Зараз талончык каштуе 1 рубель 10 капеек, пры продажы кіроўцам — 1 рубель 15 капеек
Колькасць людзей, якія выкарыстоўваюць папяровыя талоны для аплаты праезду, скарацілася за апошнія гады да 13,5 %. Праязнымі карыстаюцца 66,7 % пасажыраў. Такімі звесткамі падзяліўся гендырэктар «Мінсктранса» Канстанцін Галалобаў, пішуць Мінск-навіны.
Мабільны дадатак «Аплаці» ўстанавілі і выкарыстоўваюць 7,1 % пасажыраў.
У «Мінсктрансе» нагадалі, што хутка ў Мінску павінна запрацаваць адзіная цэнтралізаваная сістэма аплаты праезду з дапамогай банкаўскіх картак. Цяпер для гэтага закупляецца абсталяванне. У тэставым рэжыме гэтую магчымасць запусцілі восенню мінулага года.
Каментары