Некаторыя віды рыб, якія водзяцца ў Беларусі, выклікаюць трывогу ў навукоўцаў з-за рэзкага скарачэння папуляцыі. Як расказаў старшы навуковы супрацоўнік лабараторыі іхтыялогіі НПЦ НАН Беларусі па біярэсурсах Аляксей Палятаеў, пад пагрозай апынуліся ўюны, піша выданне «Смартпрэс».
Іхтыёлаг падзяліўся нярадаснай тэндэнцыяй: колькасць уюна звычайнага ў акваторыях краіны скарацілася ў разы ў параўнанні з той, што была ў 1970— 1980‑я гады. Рыбу нават уключылі ў дадатак да новай рэдакцыі Чырвонай кнігі — «Спіс відаў, якія патрабуюць дадатковага вывучэння і ўвагі ў мэтах прафілактычнай аховы».
«З-за меліярацыі ўюн страчвае месцы для свайго жыцця — пойменныя вадаёмы, заіленыя азярцы і балоты, — тлумачыць прычыны таго, што адбываецца, Аляксей Палятаеў. —
Да таго ж ягонымі малькамі актыўна харчуецца інвазіўны від рыб — ратан-галавешка. У многіх месцах, дзе жывуць уюны, колькасць ратана не рэгулюецца, бо іншыя драпежныя рыбы там не жывуць з-за неспрыяльнага кіслароднага рэжыму.
Яшчэ адна праблема ўюна — аэраманоз. Гэта заразная бактэрыяльная інфекцыя, якая прыводзіць да масавай гібелі віду ў шэрагу краін Еўропы, у тым ліку, мяркуючы па ўсім, у Беларусі».
У Прыпяці павялічваецца колькасць рыбы, раней занесенай у Чырвоную кнігу
У цэнтры Мінска ў Свіслачы злавілі чырвонакніжную стронгу. Няўжо яна ў ёй завялася?
На Чыгірынскім вадасховішчы рыбакі замест рыбы дасталі з вады тое, чаго зусім не чакалі
Рыбак злавіў у Беларусі гіганцкага судака — гэта рэкорд
У Акадэміі навук заклікалі беларусаў актыўна лавіць тры віды рыб
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі31
Каментары