Прыпынілі прыём заявак на італьянскія візы. Раней стала вядома, што падазраваны ў дыверсіі ў Лейпцыгу атрымаў візу ў Мінску
У Беларусі часова прыпынілі рэгістрацыю новых заяўнікаў у спіс чакання на падачу дакументаў на італьянскую візу праз візавы цэнтр VFS. Пра гэта 15 верасня 2026 года паведаміў VFS Belarus у каардынацыі з Пасольствам Італіі ў Беларусі.
Рэгістрацыя новых заяўнікаў у спіс чакання закрытая да далейшага паведамлення. Калі яе адновяць, пакуль невядома. Афіцыйна прыпыненне звязана з чаканнем далейшых указанняў ад італьянскага пасольства.
Тыя, хто паспеў зарэгістравацца да прыпынення, могуць не хвалявацца: іх рэгістрацыя застаецца сапраўднай, а месца ў чарзе захоўваецца. Новы запыт падаваць не трэба, бо гэта не паўплывае на пазіцыю ў чарзе і не паскорыць атрыманне даты для падачы дакументаў.
Зарэгістраваным заяўнікам раяць рэгулярна правяраць электронную пошту, якую яны пазначылі падчас рэгістрацыі. Менавіта туды будуць дасылаць інфармацыю пра даступныя даты і час падачы. Таксама варта правяраць папку са спамам, бо паведамленні ад VFS могуць трапляць туды.
Пра аднаўленне рэгістрацыі новых заяўнікаў візавы цэнтр паведаміць дадаткова на сваім сайце.
Раней паведамлялася, што падазраваны ў дыверсіі ў аэрапорце Лейпцыга атрымаў візу ў пасольстве Італіі ў Мінску. Нямецкія следчыя выйшлі на двух меркаваных удзельнікаў спробы атакі беспілотнікамі з выбухоўкай на аэрапорт. Адзін з іх — расіянін, якога нямецкія ўлады звязваюць з ГРУ, другі — грамадзянін Беларусі, які раней трапляў у поле зроку еўрапейскіх праваахоўных органаў.
Падазраваны ў дыверсіі ў Лейпцыгу атрымаў візу ў пасольстве Італіі ў Мінску
Беларусы змогуць падаваць дакументы на шведскія візы праз пасольства Венгрыі ў Мінску
«Альтэрнатыва для Германіі» хоча вывесці краіну з Шэнгену і еўразоны
Беларусам на месяц падоўжаць бязвіз у Чарнагорыю, але ёсць адна ўмова
Румынія зноў пачала выдаваць візы беларусам
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары