У Хайфе забілі 31‑гадовую беларуску Яніну. У яе застаўся двухмесячны сын
У забойстве падазраюць мужа Алі Масвада. А бабуля спадзяецца забраць немаўля ў Беларусь.
У ноч на 25 верасня ў ізраільскай Хайфе загінула 31‑гадовая беларуска Яніна Русінава, якую ў мясцовых медыя называюць Ёніт Масвада. У жанчыны засталося двухмесячнае немаўлё. Яе 28‑гадовага мужа Алі затрымалі па падазрэнні ў забойстве, але ён адмаўляе віну і сцвярджае, што нібыта спрабаваў выратаваць жонку.
Маці Яніны жыве ў Беларусі. Пра смерць дачкі жанчына даведалася толькі праз пяць дзён. Цяпер яна хоча забраць унука да сябе.
Трагедыя адбылася ў Хайфе. Муж, Алі Масвада, сам патэлефанаваў у паліцыю. Калі медыкі прыехалі, жанчына з цяжкім раненнем шыі знаходзілася на лесвічнай пляцоўцы. Яніну ў крытычным стане даставілі ў бальніцу, але выратаваць яе не ўдалося.
Паліцыя затрымала мужа, але ён адмаўляе, што забіў жонку. Адвакат Алі пераказаў яго версію: маўляў, Яніна паранілася сама, а ён спрабаваў яе выратаваць. У самога мужчыны таксама знайшлі парэзы.
«Я ўсім сэрцам спрабаваў яе выратаваць», — сказаў Масвада падчас судовага пасяджэння. Тым не менш яго пакінулі пад вартай. Расследаванне працягваецца.
Яніна нарадзілася ў Гомелі, у 2017‑м скончыла Мазырскі дзяржаўны педагагічны ўніверсітэт па спецыяльнасці «настаўнік гісторыі і грамадазнаўства». У Ізраілі яна жыве прынамсі з 2023 года.
У Яніны засталося двухмесячнае дзіця. Пасля гібелі хлопчыка перадалі ў экстранную прыёмную сям’ю. Далейшым лёсам дзіцяці займаюцца сацыяльныя службы Хайфы. Паводле ізраільскіх медый, раней сям’я не трапляла ў поле зроку гарадскога ведамства сацыяльнай дапамогі.
Маці Яніны хоча, каб унук рос разам з ёй у Беларусі. Але пакуль невядома, ці дазволяць бабулі забраць хлопчыка і вывезці яго ў Беларусь.
«Наша Нiва» — бастыён беларушчыны
ПАДТРЫМАЦЬ
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары