Суд спыніў адміністрацыйную справу ў дачыненні да актывіста.
Суд спыніў адміністрацыйную справу ў дачыненні да актывіста.
У Нясвіжскім раённым судзе скончылася судовая эпапея па абвінавачванні актывіста з Клецку Сяргея Панамарова ў абразе начальніка клецкай ЖКГ Аляксандра Навіцкага. У аўторак 7 верасня жонка актывіста Святлана Панамарова атрымала пастанову суда ад 26 жніўня 2010 г. У ёй гаворыцца, што ў ходзе судовага разгляду суд задаволіў заяву Навіцкага з просьбай спыніць справу ў сувязі з тым, што ён памірыўся з Панамаровым. Паколькі суд не можа разглядаць адміністрацыйную справу без заявы пацярпелага боку, то было прынятае рашэнне справу спыніць па прымірэнні бакоў.
Варта адзначыць, што на момант вынясення гэтага рашэння С. Панамароў ужо знаходзіўся ў Польшчы, куды выехаў, каб атрымаць палітычны прытулак. Нагадаем таксама, што першапачаткова ў праваахоўныя органы на абразы з боку начальніка ЖКГ паскардзіўся Панамароў. Аднак, у хуткім часе Навіцкі падаў сустрэчную заяву, у якой звінаваціў у абразах Панамарова. Актывіста ў выніку аштрафавалі. Ён некалькі разоў абскарджваў пакаранне і нават меў падтрымку з боку Мінскага абласнога і нясвіжскага раённага судоў, але пазней той жа Мінскі абласны суд задаволіў касацыйную скаргу Навіцкага і прызначыў новае паседжанне ў Нясвіжы на 26 жніўня.
На сёння незавершанай застаецца крымінальная справа супраць Панамарова паводле арт. 369 КК РБ («Знявага прадстаўніка ўлады»). Клецкага апазіцыянера абвінавачваюць у абразе шэрагу клецкіх чыноўнікаў. Панамарова абвясцілі ў вышук.
-
«Я хачу развеяць міф, што я вельмі моцны чалавек, проста танк, бо многія ведаюць мяне з 2020-га». Размова з Галінай Казіміроўскай аб перамозе над цяжкім дыягназам
-
Грамадзяніна Чэхіі, які прыехаў да хворай маці ў Беларусь, асудзілі на шэсць гадоў
-
Унікальны тэлескоп вярнулі на верхнюю пляцоўку абсерваторыі Мінскага планетарыя
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары