Клецкі актывіст ад жніўня мінулага года чакае палітычнага прытулку ў Польшчы.
31 сакавіка да клецкага актывіста Сяргея Панамарова прыйшлі судовыя выканаўцы, паведаміла «Нашай Ніве» ягоная жонка Святлана Панамарова. Па яе словах, Гаспадарчы суд аднавіў даўнюю справу ў дачыненні да Панамарова, датычную ягонай прадпрымальніцкай дзейнасці. Ён арандаваў гаспадарчае памяшканне, у якім размясціў сталярны цэх. Калі паміж Панамаровым і клецкімі ўладамі ўспыхнуў канфлікт, памяшканне ў яго адабралі. Больш за тое, паводле рашэння суда, ён павінен выплаціць каля 8 мільёнаў рублёў нібыта за незаконную прадпрымальніцкую дзейнасць. Акурат з гэтай нагоды сёння і завіталі судовыя выканаўцы да Святланы Панамаровай. Сам жа Панамароў ад жніўня мінулага году знаходзіцца ў Польшчы, дзе чакае рашэння аб атрыманні палітычнага прытулку. Да ад’езду за мяжу ён займаўся ў Клецку грамадска-палітычнай дзейнасцю: выдаваў бюлетэнь, распаўсюджваў незалежную прэсу, аказваў прававую дапамогу насельніцтву. У дні салідарнасці над домам Панамаровых у цэнтры Клецка традыцыйна з’яўляўся бел-чырвона-белы сцяг.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта10
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары