У Беларусі ў 2011 годзе зафіксавана самая высокая інфляцыя за апошнія дзесяць гадоў. Пра гэта сведчаць звесткі Нацыянальнага статыстычнага камітэта.
За мінулы год спажывецкія цэны павялічыліся на 108,7%, у тым ліку за снежань — на 2,3%. Гэта прыкладна на 100% больш, чым было прадугледжана прагнозам
Максімальны паказчык інфляцыі за апошнія дзесяць гадоў прыпаў на 2000 год, калі цэны ўзраслі на 107,5%, мінімальны рост цэн быў дасягнуты ў 2006 годзе — 6,6%.
У 2011 годзе цэны на харчовыя тавары ў Беларусі ўзраслі на 125%. За год рыбныя кансервы падаражэлі на 185,9%, рыба і морапрадукты — на 171,5%, алей — на 157%, мяса і птушка — на 155,5%, яйкі — на 146,1%, сыр — на 106,3, кандытарскія вырабы — на 154,3%, гарбата — на 141,8%, алкаголь — на 132,2%, тытунёвыя вырабы — на 128,2%, крупы — на 102,4%, макароны — на 79,3%, агародніна — на 125,3%, бульба — на 0,4%, хлеб — на 57,1%, мука — на 80,3%.
Рост цэн на нехарчовыя тавары ў 2011 годзе склаў 112%. Максімальны рост цэн зафіксаваны на веласіпеды і матацыклы (на 146%), мыйныя сродкі (на 143%),
Цэны і тарыфы на платныя паслугі ў снежні ўзраслі на 3,1%, за год — на 64,9%. Больш за ўсё падаражэлі міжнародныя чыгуначныя перавозкі (на 195,1%), авіяперавозкі (на 162,1%) і турыстычныя паслугі (на 160,8%), паслугі дашкольных устаноў (на 188,8%), гарадскога пасажырскага транспарту (на 83,9%), медыцынскія паслугі (на 90,5%), вышэйшай адукацыі (на 68,4%).
Беларусь з’яўляецца лідарам сярод краін СНД і Еўропы па тэмпах інфляцыі. Найбуйнейшыя аўдытарскія кампаніі свету прызналі эканоміку краіны гіперінфляцыйнай.
