Прэм'ер-міністр Беларусі Міхаіл Мясніковіч даручыў аблвыканкамам узмацніць кантроль за тарыфамі на жыллёва-камунальныя паслугі.Адпаведнае даручэнне ён даў сёння на пасяджэнні Прэзідыума Савета Міністраў, дзе разглядаўся ход выканання рэспубліканскага плана мерапрыемстваў па правядзенні ў 2013 годзе Года беражлівасці.
Кіраўнік урада нагадаў, што ў галіну паступаюць вялікія аб'ёмы субсідый. Штогод гэта мінімум Br6 трлн. Разам з тым матэрыялы Камітэта дзяржкантролю, падрыхтаваныя ў мэтах выканання даручэння кіраўніка дзяржавы, сведчаць,
што ў некаторых арганізацыях так званыя планавыя тарыфы ў 4-5 разоў перавышаюць усе разумныя межы."Такім чынам, паважаныя старшыні аблвыканкамаў, вашы гарадскія і раённыя выканкамы зусім не кантралююць разам з фінансавымі інстытутамі абласцей, гарадоў і раёнаў тарыфную палітыку на паслугі ЖКГ", - заявіў Міхаіл Мясніковіч.
Ён даў даручэнне па вырашэнні гэтага пытання. Гэта тэма ўзята на кантроль урада. "Калі не дойдзем да кожнага райвыканкама, калі гэта не будзе адпаведным парадкам дня ў кожным райвыканкаме, нічога канкрэтна не атрымаецца", - канстатаваў прэм'ер-міністр.
0
0
0
0
0
0