Нацыянальны банк Беларусі рэкамендуе камерцыйным банкам вырашаць праблемы з недахопам рублёвай ліквіднасці шляхам продажу валюты.
«Будуць захаваныя жорсткія падыходы Нацыянальнага банка ў частцы давання банкам грашовых сродкаў. У сувязі з гэтым банкам варта арыентавацца на вырашэнне праблем з ліквіднасцю пераважна шляхам больш актыўнага прыцягнення сродкаў ад кліентаў, продажу ўласнай валюты, якая ў многіх банкаў сёння размешчана ў замежных банках, гэта значыць падтрымліваюць эканоміку іншых краін», — заявіў падчас пашыранага пасяджэння праўлення Нацбанка начальнік Галоўнага ўпраўлення манетарнай палітыкі і эканамічнага аналізу Дзмітрый Калечыц, тэкст выступлення якога апублікаваны ў жнівеньскім нумары «Банкаўскага весніка».
Зараз на фоне жорсткай
грашова-крэдытнай палітыкі, якую праводзіць Нацбанк, у банкаўскім сектары назіраецца дэфіцыт рублёвай ліквіднасці.
У сувязі з гэтым працэнтная стаўка па аднадзённых міжбанкаўскіх крэдытах дасягнула па стане на 11 верасня 62,6% (супраць 39,2% у пачатку верасня).
Тым не менш у другім паўгоддзі з мэтай выхаду на запланаваны ўзровень інфляцыі Нацбанк Беларусі мае намер захаваць жорсткую
«У другой палове 2013 года для дасягнення мэтавага параметру па інфляцыі (не больш за 0,8% у сярэднім за месяц), забеспячэння стабільнай сітуацыі на валютным і дэпазітным рынках і ў цэлым для падтрымання збалансаванасці эканомікі Нацыянальны банк працягне правядзенне жорсткай манетарнай палітыкі», — заявіў Дзмітрый Калечыц.
Паводле яго слоў, працэнтная палітыка будзе скіраваная «на падтрыманне станоўчых у рэальным выражэнні працэнтных ставак у эканоміцы, якія забяспечвалі б устойлівы прыток рублёвых дэпазітаў у банкаўскі сектар».
Як паведамлялася раней, беларускія банкі, улічваючы існуючы дэфіцыт рублёвай ліквіднасці, з 11 верасня сталі рэзка ўзнімаць стаўкі па рублёвых дэпазітах насельніцтва.
