Парашэнка афіцыйна стаў прэзідэнтам Украіны, яму ўручаныя сімвалы ўлады.
Прамова Парашэнкі была па-ўкраінску, але для жыхароў Данбаса ён прамовіў па-руску.
«Крым быў і будзе ўкраінскім», — сказаў Парашэнка.
Аляксандр Лукашэнка 7 чэрвеня прыме ўдзел у мерапрыемствах, прысвечаных ўступлення на пасаду нававыбранага Прэзідэнта Украіны Пятра Парашэнкі, паведамляе з раніцы яго прэс-служба.
Паведамленне з'явілася толькі раніцай у суботу.
Але ўкраінскія СМІ паведамляюць, што Лукашэнка прыляцеў яшчэ ў пятніцу, у яго была самая шыкоўная сустрэча, яго картэж сустракалі 11 аўтамабіляў. Праўда, прыляцеў ён без малодшага сына.
Цырымонія інаўгурацыі пачнецца а 10-й. Спачатку ідзе цырымонія ў Вярхоўнай Радзе (Лукашэнка знаходзіцца там), а потым Парашэнка прыйдзе на Сафійскую плошчу ў Кіеве (11:10), дзе будзе вітанне вайскоўцаў.
А 12-й — вітанне Парашэнкі кіраўнікамі дзяржаваў.
