Улада3333

«Усмірыцеля Мінска» Ігара Яўсеева перад выбарамі вяртаюць у сталіцу: пяць фактаў пра генерал-маёра міліцыі

2 красавіка Аляксандр Лукашэнка зрабіў кадравую ракіроўку, памяняўшы месцамі кіраўнікоў УУС Мінскай і Віцебскай абласцей.

Генерал-маёр Віктар Сянько цяпер будзе начальнікам упраўлення ўнутраных справаў Віцебскага аблвыканкама. А генерал-маёр Ігар Яўсееў будзе займаць гэткую ж пасаду, але пры Мінскім аблвыканкаме.

«Наша Ніва» згадвае пяць цікавых фактаў з біяграфіі 47-гадовага Ігара Яўсеева.

Не першы генерал з Росі

Фота tut.by

Нарадзіўся Ігар Яўсееў у мястэчку Рось Ваўкавыскага раёна. Гэта не першы генерал з гэтых мясцін. У Росі таксама нарадзіўся брыгадны генерал Войска Польскага Рамуальд Валынцэвіч. У мястэчку ёсць вытворчасць будаўнічых матэрыялаў. Бацька Яўсеева, дарэчы, і быў будаўніком, а маці — настаўніцай. Хаця сам міліцыянт прызнаваўся, што гадавалі яго бабуля з дзядулем. «Быў распешчаным і слаба падрыхтаваным да жыцця», — так ацэньваў Яўсееў перыяд дзяцінства.

Пасля васьмі класаў пайшоў вучыцца ў Пружанскі сельгастэхнікум. Казаў, што ў той час быў вельмі грамадска актыўным. У прыватнасці, займаўся музеем Вялікай айчыннай вайны. Пісаў лісты і асабіста сустракаўся з многімі ўдзельнікамі той вайны.

Спецназ ГРУ і ахова Лукашэнкі

Фота Сяргея Гудзіліна

У войска Яўсееў трапіў у трэцюю брыгаду спецназа ГРУ ВПС (Галоўнага разведвальнага ўпраўлення Вайскова-паветраных сілаў), якая дыслакавалася ў той час у ГДР. Элітныя войскі. Развал СССР сустрэў участковым у Пружанскім РУУСе. Працаваў у ахове Лукашэнкі яшчэ ў першыя гады прэзідэнцтва. Займаў пасаду намесніка начальніка УУС Мінскага райвыканкама. Пасля стаў начальнікам Упраўлення аховы правапарадку і прафілактыкі УУС на транспарце.

Усмірыцель Плошчаў

Але імя Яўсеева на слыху стала пасля таго, як ён заняў пасаду начальніка міліцыі грамадскай бяспекі Мінгарвыканкама. У непасрэдныя абавязкі Яўсеева ўваходзіла сачэнне за масавымі акцыямі і іх уціхаміраванне (найчасцей шляхам разгону). Не цураўся і сам прымаць удзел у збіцці. Напрыклад, усім добра памятаецца, як ад Яўсеева у першыя дні пасля Плошчы пацярпеў фатограф Уладзь Грыдзін. Яўсееў быў адным з галоўных дзеючых персанажаў падчас самой Плошчы-2010. Ён хадзіў на перамовы з кандыдатамі ў прэзідэнты. Чым скончылася Плошча, няма нагоды лішні раз нагадваць. Пасля яе Яўсееў трапіў у спісы неўязных на тэрыторыю Еўрасаюза пад нумарам 84. А вось Лукашэнка за Плошчу даслаў Яўсееву падзячны ліст.

«Хлопаць можна толькі ветэранам»

Фота Сяргея Гудзіліна

Пасля Яўсееў быў відным дзеячам падчас «Стоп — бензіну» і маўклівых акцый пратэсту. Каардынаваў і камандаваў разгонамі менавіта ён. Выкарыстоўваючы і нецэнзурную лексіку (глядзіце відэа; на Акрэсціна яго ніхто за гэта не пасадзіў). Перад маўклівай акцыяй на Дзень Рэспублікі Яўсееў адзначыў, што апладзіраваць можна толькі ветэранам. Разгон каля Чыгуначнага вакзала на 3 ліпеня быў адным з найбольш брутальных пасля Плошчы.

«Міліцыянер — гэта лад жыцця»

Фота president.gov.by

У прыватным жыцці Яўсееў жанаты, мае траіх дзяцей. Кажуць, што фотаздымак сям'і стаіць у яго на працоўным месцы. Лічыць, што «міліцыянер — гэта лад жыцця».

У чэрвені 2013 Яўсеева прызначылі кіраўніком Віцебскага УУС. Амаль за два гады працы ў Віцебску нічым асаблівым Яўсееў не адзначыўся, спраўна выконваў працу па бяспецы ў час «Славянскага базара».

Прыгоды з журналістамі ў Яўсеева працягваліся і ў Віцебску. Мясцовыя расказваюць, як падчас Дня дэсантніка ў 2013-м Яўсееў «заламаў» фотакарэспандэнта адной дзяржаўнай газеты, які здымаў затрыманні міліцыяй п'яных дэсантнікаў. Праўда, потым гэтага ж журналіста ўзнагароджавалі ў Віцебскім УУС за добрую працу. На гэтым канфлікт быў вычарпаны.

Яўсееў казаў, што Віцебск яму падабаецца, бо ў горадзе няма мінскай мітусні. Часта з'яўляўся ў горадзе разам з жонкай і малой дачкой. Год таму Лукашэнка ўручыў Яўсееву ордэн «За службу Радзіме» ІІІ ступені.

Каментары33

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Фатограф-агент з двума пашпартамі здымае беларусаў і іх мерапрыемствы ў Варшаве13

Фатограф-агент з двума пашпартамі здымае беларусаў і іх мерапрыемствы ў Варшаве

Усе навіны →
Усе навіны

Затрыманні ў 2020-м, арышт у 2024-м, эміграцыя ў 2025-м. Гісторыя 21-гадовага беларускага «тэрарыста»2

З птушкафабрыкі пад Гроднам прапала 400 яек качкі. Прычым яйкаманы нават сачылі, як вылупліваюцца качаняты2

Украіна паведаміла пра гібель у Расіі больш за 200 ваеннапалонных2

У справе «Трайпла» з'явіўся новы паварот

Як беларуская кампанія пастаўляе ў Расію брэндавае адзенне ў абыход санкцый і ў шкоду дзяржбюджэту5

«Шчаслівы з маімі новымі сябрамі». На шклозаводзе «Нёман» у Бярозаўцы ўжо некалькі гадоў працуе егіпцянін14

Расіяніна затрымалі ў мінскім аэрапорце за спробу вывезці скрадзеную пяць гадоў таму дачку

Мінчанка паставіла дома камеры, каб назіраць за старэнькай маці, і раскрыла злачынства3

Як беларусам за мяжой скасаваць шлюб, не вяртаючыся на радзіму? Спыталі ў юрысткі2

больш чытаных навін
больш лайканых навін

Фатограф-агент з двума пашпартамі здымае беларусаў і іх мерапрыемствы ў Варшаве13

Фатограф-агент з двума пашпартамі здымае беларусаў і іх мерапрыемствы ў Варшаве

Галоўнае
Усе навіны →

Заўвага:

 

 

 

 

Закрыць Паведаміць