Беларускі кантрабандыст гадзіну хаваўся ў сажалцы ад літоўскіх памежнікаў ФОТА
Каля літоўска-беларускай мяжы, у Салечніцкім раёне памежнікі папераджальнымі стрэламі спынялі беларуса з кантрабанднымі цыгарэтамі, які спрабаваў схавацца.
Ён быў знойдзены ў сажалцы, дзе прасядзеў амаль гадзіну, і моцна замерз, піша 015.by.
Служба аховы дзяржаўнай мяжы паведамляе, што ў ноч з пятніцы на суботу памежнікі Дзявянішкскай заставы заўважылі двух чалавек, якія нешта неслі. Ад гэтага месца да літоўска-беларускай мяжы - каля кіламетра. Пры спробе затрымаць асоб яны кінулі свой багаж і кінуліся бегчы, піша Delfi.lt
У пакінутых чатырох скрутках выяўлена 3000 пачкаў цыгарэт Fest, Fest 7 і Minsk Capital.
Пераследуючы парушальнікаў, памежнік зрабіў шэсць папераджальных стрэлаў у паветра з службовага пісталета, але гэта не спыніла уцекачоў. Аднаму з іх удалося перабегчы мяжу і трапіць на тэрыторыю Беларусі. Пра гэта літоўцы адразу паведамілі беларускім калегам. Іншы парушальнік ненадоўга знік з поля зроку памежнікаў. Да пошукаў далучыліся нават кінолагі з сабакамі.
Памежнікі знайшлі ўцекача ў сажалцы каля вёскі Урэляй. Аказалася, што ён каля гадзіны прасядзеў у халоднай вадзе. Моцна змерзламу мужчыну памежнікі выклікалі хуткую дапамогу. Дастаўлены ў Салечніцкую бальніцу кантрабандыст прадставіўся 44-гадовым грамадзянінам Беларусі. Пасля агляду медыкаў ён быў змешчаны ў ізалятар часовага ўтрымання. У панядзелак Участковы суд Віленскага раёна дазволіў затрымаць яго на месяц.
Цяпер чытаюць
«Мікалая білі, дзе толькі яго бачылі». Пра катаванні зняволенага анархіста Дзядка расказала адвакатка Мацкевіч5
Каментары