Адміністрацыя ЗША прыняла рашэнне ўвесці забарону на паездкі амерыканскіх грамадзян у КНДР. Пра гэта абвясціла ў пятніцу начальнік прэс-службы Дзярждэпартамента ЗША Хезер Наўэрт, паведамляюць інфармагенцтвы.
Паводле яе слоў, гэты крок быў зроблены «ў сувязі з нарастаючай занепакоенасцю з нагоды сур'ёзнай рызыкі арышту і доўгатэрміновага ўтрымання пад вартай у рамках праваахоўнай сістэмы Паўночнай Карэі» грамадзян ЗША.
Дзяржсакратар ЗША Рэкс Тылерсан санкцыянаваў увядзенне «адмысловага геаграфічнага абмежавання на выкарыстанне ўсімі амерыканскімі грамадзянамі пашпарта для паездак у Паўночную Карэю або праз яе», адзначыла Наўэрт.
0
0
0
0
0
0