Мітрапаліт Павел на верталёце абляцеў Мінск і акрапіў яго святой вадой
Малебен з малым чынам асвячэння вады адбыўся ў храме-помніку ў гонар Усіх Святых у памяць аб ахвярах, якія паслужылі выратаванню Айчыны 23 сакавіка, перадае карэспандэнт агенцтва «Мінск-Навіны». Святары правялі абрад у тым ліку праз сітуацыю з каранавірусам.
— Заклікаю ўсіх паразважаць пра тое, як ставімся да падзей, якія адбываюцца з намі. Паніка, выкліканая распаўсюджваннем каранавіруса, прытупляе розум. Ён прынёс збянтэжанасць у сэрцы людзей, але для праўдзівых вернікаў не страшны. Хочацца пажадаць, каб Гасподзь умацаваў у нас веру, і дапамог годна пераадолець выпрабаванне, — з пропаведзі пачаў набажэнства мітрапаліт Павел.
Пасля заканчэння службы настаяцель Усіхсвяцкага прыходу протаіерэй Фёдар Поўны, звяртаючыся да вернікаў, сказаў, што здаўна абраз Божай Маці Дзяржаўнай і крыж-машчавік абаранялі нашу зямлю ад пошасцяў.
З гэтымі праваслаўнымі святынямі экзарх і святары абляцелі горад на верталёце. З вышыні яны акрапілі сталіцу святой вадой.




Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс

Каментары