У тыя тыдні, калі барысаўскі БАТЭ будзе праводзіць матчы Лігі Еўропы, «Прессбол» будзе выходзіць у суботы замест нумара ў серады. Пра гэта галоўны рэдактар найбуйнейшага спартыўнага выдання краіны Уладзімір Беражкоў паведаміў у сваёй галінцы на сайце выдання.
Барысаўскі БАТЭ, як вядома, выйшаў у групавы турнір футбольнай Лігі Еўропы, матчы якога праводзяцца, традыцыйна, у чацвяргі.
Згодна з раскладам, змешчаным на сайце УЕФА, хатнія паядынкі БАТЭ будуць пачынацца ў 20:00, гасцявыя – у 22:05 паводле мінскага часу.
Цяпер скрайні час падпісання «Прессбол» ў друк (газета выходзіць у аўторкі, серады, чацвяргі і пятніцы, прыкладна ў 20:45). Калі газета будзе здавацца ў друк пазней, яна папросту не трапіць падпісчыкам па-за Мінскай вобласцю і ў рэгіянальныя газетныя шапікі. Так, напрыклад, адбываецца з газетай «Спорт-Экспресс в Белоруссии», які падпісваецца з друк у 22:00, але падпісчыкам па-за Мінскам трапляе толькі на наступны дзень.
Калі б «Прессбол» захаваў ранейшую перыядычнасць (з аўторка па пятніцу), то справаздачы пра матчы БАТЭ ў Лізе Еўропы з’яўляліся б у газеце толькі ў аўторак.
Як, напрыклад, будзе са справаздачай пра матч плей-оф Лігі Еўропы «Літэкс» – БАТЭ, які скончыўся ў чацвер, 27 жніўня, прыкладна ў 23:30 і ў пятнічны нумар, натуральна, не трапіў.
Галоўны рэдактар Прессбола Уладзімір Беражкоў паведаміў у сваёй галінцы на сайце выдання Мы не можам выпускаць нумароў больей ці меней, чым заяўлена ў падпісным каталозе, інакш гэта пацягне за сабой штрафныя санкцыі. А вось перанесці сёе-тое на наступны дзень, як высветлілася, можна».
Таму было прынята рашэнне «чатыры нумары серады, на тых тыднях, дзе будуць чацвярговыя матчы БАТЭ ў Лізе Еўропы, перанесці на суботы. Першы такі нумар выйдзе 19 верасня».
Гаворка таксама пра суботнія нумары за 3 кастрычніка, 24 кастрычніка, а таксама 19 снежня.
Суботні нумар 7 лістапада, праз дзень пасля матчу АЕК – БАТЭ (5 лістапада), не выйдзе з той прычыны, што 7 лістапада – афіцыйны выходны дзень у Беларусі. Матч 5-га туру, 2 снежня, БАТЭ - «Бенфіка» пройдзе ў сераду, таму і справаздача і артыкулы пра яго трапяць у пятнічны нумар за 4 снежня.
Нагадаем, што супернікамі БАТЭ ў групавым турніры Лігі Еўропы будуць лісабонская «Бенфіка», ліверпульскі «Эвертан» і грэцкі АЕК.
17 верасня – матч з «Бенфікай» у гасцях, 1 кастрычніка з «Эвертанам» у Мінску, 22 кастрычніка з АЕКам – у Мінску. 5 лістапада – у Афінах. 2 снежня з «Бенфікай» дома, 17 снежня – з «Эвертанам» у Ліверпулі.
