Выраслі стаўкі акцызаў на алкаголь, піва і тытунёвыя вырабы 1

У Беларусі 1 студзеня павялічаны стаўкі акцызаў на алкагольную прадукцыю, піва, тытунёвыя вырабы. Гэта прадугледжана законам № 330–3, якім унесены змяненні і дапаўненні ў Падатковы кодэкс. Дакумент апублікаваны на Нацыянальным прававым інтэрнэт-партале.

Так, з 1 студзеня па 31 сакавіка акцыз на алкагольную прадукцыю з аб’ёмнай доляй этылавага спірту 7% і больш складае 49 тыс. 420 рублёў у разліку на 1 літр бязводнага (100%) этылавага спірту ў гатовай прадукцыі (раней дзейная стаўка з 1 лістапада па 31 снежня — 40 тыс.).

Стаўка акцызу на віны пладовыя мацаваныя марачныя палепшанай якасці і спецтэхналогіі павялічана да 19 тыс. 770 рублёў (16 тыс.).

Стаўка акцызу на натуральныя віны фруктова-ягадныя і фруктова-ягадныя сідры складзе 520 рублёў за 1 літр гатовай прадукцыі (500), на натуральныя віны, у тым ліку шампанскія і пеністыя — 3 тыс. 90 рублёў (2 тыс. 960).

Стаўка акцызу на піва з утрыманнем спірту ад 0,5–7% і піўныя кактэйлі павялічана да 1 тыс. 640 рублёў за 1 літр гатовай прадукцыі (раней — 1 тыс. 330 рублёў), з утрыманнем спірту больш за 7% да 3 тыс. 300 рублёў (раней — 2 тыс. 670 рублёў).

Акцыз на слабаалкагольныя напоі з аб’ёмнай доляй этылавага спірту 1,2–7% устаноўлены ў 62 тыс. 670 рублёў (60 тыс.), слабаалкагольныя натуральныя напоі — 29 тыс. 990 рублёў (24 тыс. 270 рублёў).

Стаўка акцызу на цыгарэты пры цане да 170 тыс. рублёў за 1 тыс. шт. складае 22 тыс. 900 рублёў, ад 175 тыс. да 335 тыс. — 64 тыс. 120, ад 335 тыс. — 84 тыс. 120 рублёў. Раней градавалася па ніжэйшых цэнавых катэгорыях.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ