З 2022 года Расія страціла забітымі 19 генералаў

Поўнамаштабная вайна Расіі супраць Украіны з лютага 2022 года пацягнула за сабой значныя страты сярод высокага каманднага складу расійскага войска. Паводле адкрытых крыніц і паведамленняў расійскіх і ўкраінскіх СМІ, загінула як мінімум 19 генералаў, хоць не ўсе смерці былі афіцыйна пацверджаныя Масквой, піша The Insider.

Фаніл Сарвараў — пакуль апошні ў спісе 19‑ці расійскіх генералаў, якіх Украіне ўдалося знішчыць

Страты Расіяй генералаў адбываліся як на фронце, так і ў тыле — у выніку артылерыйскіх удараў па штабах, авіяінцыдэнтаў, дыверсій і выбухаў у Расіі. Некалькі высокапастаўленых афіцэраў былі забіты снайперамі ў першыя месяцы вайны.

Таксама сярод загінулых ёсць афіцэры, якія ўжо знаходзіліся ў адстаўцы, але ўдзельнічалі ў баявых дзеяннях, уключаючы ПВК «Вагнер» і штурмавыя фармаванні «Шторм Z».

Пералік загінулых генералаў:

1) Андрэй Сухавецкі, генерал-маёр, намеснік камандуючага 41‑й агульнавайсковай арміяй. Загінуў 28 лютага 2022 года ў Чарнігаўскай вобласці — з пэўных звестак, быў застрэлены снайперам. Ён стаў першым генералам, смерць якога афіцыйна пацвердзілі ў РФ.

2) Алег Міцяеў, генерал-маёр, камандаваў 150‑й мотастралковай дывізіяй, загінуў у 2022‑м падчас баёў за Марыупаль. Украінскі батальён «Азоў» заявіў пра яго ліквідацыю; часткова інфармацыя пацвярджалася расійскімі крыніцамі.

3) Уладзімір Фралоў, генерал-маёр, намеснік камандуючага 8‑й агульнавайсковай арміяй, загінуў 10 сакавіка 2022 года ў Марыупалі ад снайперскага агню.

4) Андрэй Сіманаў, генерал-маёр, камандаваў войскамі радыёэлектроннай барацьбы Заходняй вайсковай акругі, загінуў 30 красавіка 2022 года пасля артылерыйскага ўдару па камандным пункце ў раёне Ізюма Харкаўскай вобласці.

5) Канамат Баташаў, генерал-маёр у адстаўцы, удзельнічаў у баявых дзеяннях у ПВК «Вагнер», загінуў 22 мая 2022 года падчас катастрофы яго самалёта Су-25.

6) Раман Кутузаў, генерал-лейтэнант, начальнік штаба 8‑й арміі, загінуў 5 чэрвеня 2022 года ў раёне Папаснай.

7) Дзмітрый Ульянаў, генерал-маёр у адстаўцы, загінуў 6 лютага 2023 года, камандаваў палком з мабілізаваных у Татарстане.

8) Сяргей Гарачаў, генерал-маёр, начальнік штаба 35‑й арміі, загінуў 12 чэрвеня 2023 года ў Прыморску Запарожскай вобласці пасля ўдару па штабе падчас кантрнаступу Украіны.

9) Алег Цокаў, генерал-лейтэнант, намеснік камандзіра Паўднёвай вайсковай акругай, загінуў 11 ліпеня 2023 года падчас удару па запасным камандным пункце ў Бярдзянску.

10) Уладзімір Завадскі, генерал-маёр, намеснік камандзіра 14‑м корпусам, загінуў 28 лістапада 2023 года ў Херсонскай вобласці, магчыма падарваўся на міне або трапіў пад абстрэл.

11) Ігар Трыфанаў, генерал-маёр паліцыі, загінуў 12 снежня 2023 года.

12) Андрэй Галавацкі, генерал-маёр у адстаўцы, загінуў 30 чэрвеня 2024 года.

13) Ільдар Саідаў, генерал-маёр мытнай службы, пасля мабілізацыі ў штурмавым падраздзяленні «Шторм Z», загінуў 14 верасня 2024 года.

14) Павел Кліменка, генерал-маёр, камандаваў 5‑й гвардзейскай брыгадай, загінуў 6 лістапада 2024 года.

15) Ігар Кірылаў, генерал-лейтэнант, начальнік войск радыяцыяйнай, хімічнай і біялагічнай абароны, загінуў 17 снежня 2024 года падчас выбуху ў Маскве.

16) Канстанцін Смяшко, генерал-маёр, загінуў 26 снежня 2024 года; абставіны смерці афіцыйна не раскрываліся, маглі быць авіяўдар або ўдар HIMARS.

17) Яраслаў Маскалiк, генерал-лейтэнант, намеснік начальніка Галоўнага аператыўнага ўпраўлення Генштаба, загінуў 25 красавіка 2025 года ў выніку выбуху на тэрыторыі Расіі.

18) Міхаіл Гудкоў, гвардзейскі генерал-маёр, намеснік галоўнакамандуючага ВМФ, загінуў 2 ліпеня 2025 года падчас ракетнага ўдару (расійскія крыніцы паведамлялі пра смерць «пры выкананні баявой задачы»).

19) Фаніл Сарвараў, генерал-лейтэнант, начальнік упраўлення аператыўнай падрыхтоўкі Генштаба, загінуў 22 снежня 2025 года пры выбуху замінаванага аўтамабіля ў Маскве.

Каментары да артыкула