Miesiac tamu ŭ spartkompleksie «Stajki» ŭpieršyniu vybuchnuŭ biełaruska-rasiejski šachmatny kubak.
Nie biez dapamohi kamitetu pa adukacyi Mienharvykankamu. Mnohija sumniavalisia, što kubak adbudziecca: da apošnich dzion nie było viadoma, chto pryjedzie i jakija ŭznaharody atrymajuć pieramožcy. Adnak arhanizatary (siarod ich varta nazvać rasiejskaha arbitra Michaiła Krukava, jaho biełaruskaha kalehu Anatola Alipava i staršyniu mienskaj abłasnoj šachmatnaj federacyi Piatra Hierasimoviča) z honaram pieraadoleli roznyja barjery.
U Miensk pryjechali majstry i kandydaty z Rasiei, Ukrainy, Kazachstanu. U hałoŭnym turniry rasiejcam udałosia «akupavać» try pieršyja miescy ź piatnaccaci. Maładyja mienčuki, pretendenty na majstarskaje žazło (Mikoła Alaŭdzin, Michaił Hinzburh, Arciom Samsonkin), svajoj mety nie dasiahnuli, bo apynulisia ŭ siaredzinie tablicy. Niaŭdała vystupiła vice-čempijonka Biełarusi Taciana Bondar, jakaja paralelna z ryŭkami ŭ Stajki zdavała ispyty ŭ Akademii fizvychavańnia: 3,5 bała z 14. Zatoje vychavanka SDIUŠAR-11, 14-hadovaja Alena Tairava, z 10 bałami vykanała normu hrosmajstra siarod žančyn. Bronzavaja pryzerka turniru ŭžo niekalki hod vystupaje za Rasieju: tut dla jaje stypendyi nie znajšłosia. Peŭnaj kampensacyjaj za vyniki turniru «A» źjaviłasia pieramoha śviadomaha biełarusa Valera Hardziajeni ŭ turniry «B».
Stajkami šachmatnaja intehracyja, vidać, nie abmiažujecca. Druhi majstarski «kruhavik» u ramkach biełaruska-rasiejskaha kubku zaplanavany na žnivień — amatary šachaŭ i mataŭ sustrenucca va Ŭładzimiery. Na vosień sp.Alipaŭ abiacaje turnir z hrosmajstarskaj normaj u Miensku, a finalny etap projdzie ŭ zimnim Sierpuchavie.
* * *
Mienski hrosmajstar Viačasłaŭ Dydyška vyjhraŭ u Čechii nievialiki, ale davoli mocny turnir «Astraŭski konik» (6,5 z 9), na paŭkroku apiaredziŭšy polskaha kalehu Artura Jakubca i čecha Maraka Vokača.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary