Daterminovyja parlamenckija vybary ŭ Izraili pryviaduć da sychodu ciapierašniaha premjer-ministra Aryjela Šarona ź vialikaj palityki. Kaliści ja napatkaŭ jaho ŭ bufecie Knesetu: ź niejkaj niaznačnaj nahody jon zyčna pramaŭlaŭ da paplečnikaŭ: «My pieramahli!»
Namier stvaryć partyju «Nacyjanalnaja adkaznaść» (darečy, u Izraili ŭžo jość raskručany brend «Nacyjanalnaje adzinstva») — z šerahu avanturnych zajavaŭ. Pa-pieršaje, va ŭzroście pad 80 bolš adekvatna być ministram ci prezydentam, a nia lideram novaj partyi. Pa-druhoje, za piać hadoŭ premjerstva «buldozer» Šaron, čyj syn zapeckaŭsia ŭ karupcyjnaj afery, umudryŭsia rassvarycca amal z usim palityčnym bamondam, i nia tolki praz radykalnyja sastupki palestyncam u sektary Haza.
U 2000 h. jon abiacaŭ u vypadku abrańnia naviedać Biełaruś — nie naviedaŭ, pasolstva ŭ Miensku to začyniałasia, to adčyniałasia. Vyjaviłasia, što karani (maci Šarona, jak jon kazaŭ, pachodzić z Hałavienčycaŭ Mahiloŭskaj huberni) i supracoŭnictva — fenomeny roznaha planu.
Uvohule, pravica ŭ Izraili apošnim časam rabiła akcent na stymulavańnie «alii», a nie na ŭzajemavyhadnyja dvuchbakovyja damovy. Jakraz uzmacnieńnie levych i centrystaŭ — taho ž lidera partyi «Avada» Amira Pieraca, jaki, mahčyma, dahetul i nia čuŭ pra Biełaruś — daje šaniec na lepšaje.
Dvajniki viadomych biełarusaŭ. I nie kažycie, što nie zadumvalisia pra ich padabienstva6
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ2929
Kamientary