Kiraŭnika Iudziejskaha abjadnańnia Juryja Dorna abaraniaje syn Jarmošynaj
Sud Centralnaha rajona Minska 10 śniežnia razhladaje kryminalnuju spravu suprać kiraŭnika Iŭdziejskaha relihijnaha abjadnańnia ŭ Biełarusi Juryja Dorna.
Dorna vinavaciać pavodle niekalkich kryminalnych artykułaŭ: «Atrymańnie chabaru», «Pieravyšeńnie ŭłady abo słužbovych paŭnamoctvaŭ», «Uchileńnie ad vypłaty padatkaŭ», «Kradziež abo paškodžańnie dakumientaŭ, štampaŭ, piačatak» dy inš.
Tak, zajaŭlajecca, što ŭ 2001—2002 hh.
Dorn razabraŭ i vyviez z Raduni (Hrodzienskaja vobłaść) u ZŠA dom viadomaha duchoŭnaha lidara jaŭrejskaj hramady, rabina Chafieca-Chaima (1838–1933).
Kab atrymać dom, jon vykupiŭ u pasiołku niekalki kvater, jakija i abmianiaŭ na toj dom. Pa viersii abvinavaŭcy, złačynstva ŭ tym, što Juryj Dorn ad imia abjadnańnia zaklučaŭ damovy na kuplu, a nasamreč rabiŭ toje biez rašeńnia praŭleńnia. I nie pieradavaŭ dakumienty ŭ buchhałteryju.
Taksama Dorna abvinavačvajuć u tym, što ŭ 2005—2012 hh. niezakonna zdavaŭ u arendu pamiaškańni damoŭ Iŭdziejskaha abjadnańnia. Heta dziasiatki epizodaŭ. Kab nazvać kožny, abvinavaŭcy daviałosia začytać ich amal dźvie hadziny.
Pa słovach prakurora, była taksama zanižana padatkovaja baza.
U vyniku ad niaspłaty padatkaŭ naniesienaja škoda dziaržavie na 94 młn rubloŭ.
Jon, zhodna z prakuroram, atrymlivaŭ hroša za arendu najaŭnymi i nie płaciŭ padatkaŭ.
Juryj Dorn usie abvinavačvańni admaŭlaje.
Dorn vyhladaje badziora. Jon navat uśmichajecca. Jaho abaraniajuć dva advakaty.
Adzin ź ich — Alaksiej Jarmošyn, syn kiraŭnicy Centrvybarkama Biełarusi Lidzii Jarmošynaj.
Juryj Dorn byŭ zatrymany 13 sakavika pry atrymańni chabaru ŭ asabliva bujnym pamiery. Pravaachoŭniki zatrymali staršyniu Iŭdziejskaha relihijnaha abjadnańnia Biełarusi ŭ momant atrymańnia niezakonnaha hrašovaha ŭznaharodžańnia ŭ pamiery bolš za 13 tysiač dalaraŭ.
Pašpart Novaj Biełarusi pačnuć vydavać z 26 studzienia. Što viadoma i jak atrymać?90
Kamientary