Кіраўніка Іудзейскага аб'яднання Юрыя Дорна абараняе сын Ярмошынай
Суд Цэнтральнага раёна Мінска 10 снежня разглядае крымінальную справу супраць кіраўніка Іўдзейскага рэлігійнага аб’яднання ў Беларусі Юрыя Дорна.
Дорна вінавацяць паводле некалькіх крымінальных артыкулаў: «Атрыманне хабару», «Перавышэнне ўлады або службовых паўнамоцтваў», «Ухіленне ад выплаты падаткаў», «Крадзеж або пашкоджанне дакументаў, штампаў, пячатак» ды інш.
Так, заяўляецца, што ў 2001—2002 гг.
Дорн разабраў і вывез з Радуні (Гродзенская вобласць) у ЗША дом вядомага духоўнага лідара яўрэйскай грамады, рабіна Хафеца-Хаіма (1838–1933).
Каб атрымаць дом, ён выкупіў у пасёлку некалькі кватэр, якія і абмяняў на той дом. Па версіі абвінаваўцы, злачынства ў тым, што Юрый Дорн ад імя аб’яднання заключаў дамовы на куплю, а насамрэч рабіў тое без рашэння праўлення. І не перадаваў дакументы ў бухгалтэрыю.
Таксама Дорна абвінавачваюць у тым, што ў 2005—2012 гг. незаконна здаваў у арэнду памяшканні дамоў Іўдзейскага аб’яднання. Гэта дзясяткі эпізодаў. Каб назваць кожны, абвінаваўцы давялося зачытаць іх амаль дзве гадзіны.
Па словах пракурора, была таксама заніжана падатковая база.
У выніку ад нясплаты падаткаў нанесеная шкода дзяржаве на 94 млн рублёў.
Ён, згодна з пракурорам, атрымліваў гроша за арэнду наяўнымі і не плаціў падаткаў.
Юрый Дорн усе абвінавачванні адмаўляе.
Дорн выглядае бадзёра. Ён нават усміхаецца. Яго абараняюць два адвакаты.
Адзін з іх — Аляксей Ярмошын, сын кіраўніцы Цэнтрвыбаркама Беларусі Лідзіі Ярмошынай.
Юрый Дорн быў затрыманы 13 сакавіка пры атрыманні хабару ў асабліва буйным памеры. Праваахоўнікі затрымалі старшыню Іўдзейскага рэлігійнага аб'яднання Беларусі ў момант атрымання незаконнага грашовага ўзнагароджання ў памеры больш за 13 тысяч даляраў.
Цяпер чытаюць
«Знік без звестак» вельмі малады беларускі наёмнік1
«Знік без звестак» вельмі малады беларускі наёмнік
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары