Pałkoŭnik Uładzimir Šynkarevič padazrajecca ŭ machlarstvie, ździejśnienym u dačynieńni da dyrektara bujnoha dziaržpradpryjemstva.
U Minskaj vobłaści pałkoŭnik Uładzimir Šynkarevič byŭ viadomy vielmi dobra. Asabliva siarod biznesoŭcaŭ i kiraŭnikoŭ dziaržpradpryjemstvaŭ. Viadomy jon byŭ z toj pryčyny, što niekalki hadoŭ kiravaŭ Upraŭleńniem pa baraćbie z ekanamičnymi złačynstvami (UBEP) UUS Minabłvykankama i moh realna pastavić na kaleni luby, navat samy kvitniejučy biznes. Pałkoŭnika viedali, bajalisia i pavažali.
Ale ŭ červieni 2012 hoda pałkoŭnik Uładzimir Šynkarevič byŭ zvolnieny z orhanaŭ unutranych spravaŭ za parušeńnie słužbovaj dyscypliny. Paśla hetaha Upraŭleńnie ŭłasnaj biaśpieki (UUB) MUS, u jakoha ŭžo byli apieratyŭnyja dadzienyja pra niepryhožuju dziejnaść pałkoŭnika, pačało vyvučać jaho pracu za apošnija hady. Kampramat adšukaŭsia dosyć chutka.
Jak raskazali ŭ MUS, Śledčy kamitet raspačaŭ u dačynieńni da byłoha načalnika UBEP UUS Minabłvykankama kryminalnuju spravu pa prykmietach ździajśnieńnia im złačynstva pa č.1 art.14 i č.4 art.209 (zamach na machlarstva ŭ asabliva bujnym pamiery) Kryminalnaha kodeksa Biełarusi.
Pavodle papiarednich dadzienych, pałkoŭnik padazrajecca ŭ tym, što ŭ studzieni 2012 hoda, na padstavie pieradačy chabaru słužbovym asobam MUS, nibyta sprabavaŭ zavałodać hrašovymi srodkami dyrektara KUP «Minskmiasamałpram».Pry hetym uražvaje i suma, jakuju sprabavaŭ atrymać pałkoŭnik — 50 tysiač dalaraŭ. Svoj namier pałkoŭnik nibyta nie zdoleŭ davieści da kanca ź niezaležnych ad jaho pryčynaŭ.
U ciapierašni čas śledčyja vyvučajuć i inšuju dziejnaść byłoha načalnika UBEP, a taksama dapytvajuć jaho kaleh, sprabujučy adšukać dadatkovyja fakty supraćpraŭnaj dziejnaści pałkoŭnika. Ale jak u vyniku skončycca rasśledavańnie, skazać pakul składana. Nie vyklučana, što sprava i zusim moža nie dajści da suda, bo z dokazami złačynstva pałkoŭnika nichto nie złaviŭ. Mała taho, jamu inkryminujecca tolki zamach na machlarstva, što ŭ pryncypie składana dakazać. Ź inšaha boku, fakt zvalnieńnia pałkoŭnika kaža jakraz pra toje, što spuskać spravu na tarmazach nichto nie źbirajecca.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty27
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)77
Kamientary