Apielacyjny sud Litvy (ASŁ) u paniadziełak zrabiŭ bolš žorstkim pakarańnie asudžanamu za vysyłku žycharoŭ krainy ŭ Sibir84-hadovamu Vacłavasu Kajalisu — zamiest hrašovaha štrafu jamu pryznačana paŭhoda pazbaŭleńnia voli.
Kłajpiedski akruhovy sud u 2011 h. asudziŭ jaho da štrafu pamieram 3,9 tys. litaŭ (1 130 jeŭra). Prakuratura abskardziła hety prysud i paprasiła prysudzić Kajalisa da piaci hadoŭ pazbaŭleńnia voli. Sud častkova zadavoliŭ skarhu.
Kajalis pryznany vinavatym i asudžany za toje, što budučy supracoŭnikam MDB Litoŭskaj SSR ažyćciaŭlaŭ rašeńni akupacyjnych uładaŭ ab vysyłcy siemjaŭ litoŭskich partyzan, ich pamočnikaŭ i bujnych fiermieraŭ ź Litvy ŭ paŭnočnyja i ŭschodnija rajony SSSR.
Pavodle dadzienych spravy, 5 žniŭnia 1952 h. Kajalis prybyŭ razam z vykanaŭcami rašeńnia ab vysyłcy ŭ dom adnaho žychara ŭ Taurahskim rajonie, dapytaŭ mužčynu 1905 naradžeńnia i padpisaŭ pratakoł dopytu.Paśla Kajalis dastaviŭ žycharoŭ na čyhunačnuju stancyju Vidukle. Na nastupnym tydni siamja była hvałtoŭna vyvieziena pa čyhuncy ź Litvy ŭ Krasnajarski kraj, dzie prymusova žyła da 1957 hoda.
Zhodna z KK, za vysyłku i pieramiaščeńnie cyvilnych asob praduhledžvajecca pazbaŭleńnie voli na termin ad piaci da piatnaccaci hadoŭ. Kajalisu zrabili skidku z uvahi na ŭzrost i stan zdaroŭja.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary