Pierajmienavańni ŭ Bieraści: «Padbusienskaja» niemiłahučnaja, a «Mikałajeŭskaja» miłahučnaja
Z dałučeńniem da Bieraścia 11 padharodzkich viosak u horadzie dadałosia 265 novych nazvaŭ vulicaŭ. 173 ź ich supadali z užo isnymi. Zadača prydumać im novyja nazvy była ŭskładzienaja na hałoŭnuju specyjalistku adździełu kultury harvykankamu Ału Kondak. Jana kaža, što raiłasia z hieadezistami, staršyniami sielsavietaŭ i miasovymi žycharami. U vyniku ŭ byłych vioskach — ciapier heta pieravažna katedžnyja pasiołki z zamožnym žycharstvam — budzie niamała vulicaŭ u honar pravasłaŭnych śviatych. U Płoscy źjavicca vulica Sierafima Saroŭskaha. U Arkadzii — Śviata‑Afanaśjeŭskaja, pa imieni śviatoha Afanasija Filipoviča, jaki tam byŭ zabity pa padazreńni ŭ špijanažy na karyść Rasiei ŭ časie vajny ŭ siaredzinie XVII stahodździa.
A voś vulicy Padbusienskaj, jak ni prasili žychary Płoski, nia budzie. Maŭlaŭ, nazva i niemiłahučnaja, i patrabuje pajaśnieńnia. Nazva taja była ad słova «busieł», na miascovaj havorcy «busion». Jana ŭ svoj čas atrymała nazvu ad taho, što prachodziła pad buślankaj, i voś ciapier jaje nia budzie.
Zatoje buduć Mikałajeŭskaja, Piatroŭskaja, Hieorhijeŭskaja, Nadzieinskaja, Ałaja i inšyja nazvy, jakija, treba dumać, «nie patrabujuć tłumačeńnia» dla čynoŭnikaŭ, u jakich pa‑raniejšamu Maskva ŭ hałavie.
Kamientary