Varłamaŭ raskazaŭ pra samuju niaŭdałuju pajezdku ŭ Jeŭropu i demarš rasijskaha pasła
7 lutaha abvinavačvany va ŭčynieńni šerahu ekanamičnych złačynstvaŭ madeljer Alaksandr Varłamaŭ raskazaŭ na pasiadžeńni ŭ sudzie ab samaj niaŭdałaj pajezdcy z pakazami ŭ Jeŭropu.
Jana adbyłasia 20 červienia — 3 lipienia 2010 hoda. «Młyn mody» pavinien byŭ pravieści vialikija pakazy ŭ Aŭstryi, Čechii i Litvie. Pavodle słoŭ Varłamava, u pajezdku adpravilisia kala 80 čałaviek, značna bolš, čym było praduhledžana zahadam rektara BDU (52). Sam jon pierad hetym złamaŭ nahu, dabiraŭsia da Vieny samalotam, kali delehacyja jechała na aŭtobusach.
Pajezdka, pavodle słoŭ madeljera, pačałasia ź niepryjemnaści, bolšuju častku napojaŭ i praduktaŭ, jakija płanavałasia vieźci z saboj dla furšetaŭ, zabyli zahruzić.U vyniku ŭžo ŭ Vienie Varłamavu pryjšłosia kala 1.000 jeŭra tracić na miascovyja pradukty i napoi. U stalicy Aŭstryi płanavałasia pravieści pakaz sumiesna ź Vienskaj škołaj mody, ale ŭžo paśla pryjezdu biełarusaŭ u Aŭstryju partniory pierastali vychodzić na suviaź. «Mahčyma, heta było źviazana z tym, što ja ŭ 2009 hodzie zastaŭsia im vinavaty 7.000 jeŭra, mahčyma, im skazali, što chopić pracavać z krainaj, jak heta potym adbyłosia ŭ Prazie», — raskazaŭ Varłamaŭ. U vyniku pakaz adbyŭsia siłami «Młyna mody», biez partnioraŭ. «Pakaz byŭ vielmi niavažny», — skazaŭ Varłamaŭ. Z zaprošanych jaho naviedaŭ tolki dyrektar Vienskaha centra mody, jaki, jak śćviardžaje dyzajnier, byŭ uražany i vykazaŭ hatoŭnaść zaprasić biełarusaŭ na adkryćcio novaha budynka svajho centra. Jon ža paćvierdziŭ, što Vienskaja škoła mody pakryŭdziłasia na Varłamava za doŭh. Biełaruski dyzajnier daŭ jamu 7.000 jeŭra, i zatym jany byli pieradadzienyja pa pryznačeńni. Varłamaŭ taksama raskazaŭ, što dyrektar VCM zajaviŭ: «U Aŭstryi zanadta šmat Biełarusi…».
Pakaz u Prazie, pavodle słoŭ biełaruskaha madeljera, naohuł sarvaŭsia — na suviaź pierastaŭ vychodzić češski partnior.Tolki praź niekalki miesiacaŭ u razmovie z Varłamavym jon skazaŭ, što jamu «zabaranili kantaktavać ź biełarusami». U vyniku biełarusam pryjšłosia apłačvać zahadzia arandavanuju zału ŭ adnym z najbujniejšych načnych kłubaŭ Prahi. «Nas bajkatavali», — kanstatavaŭ madeljer. U Prazie, pavodle jaho słoŭ, sarvany pakaz abyšoŭsia jamu prykładna ŭ 5.000 jeŭra, jakija pryjšłosia viarnuć za arandavanuju zału.
Apošnim punktam turne «Młyn mody» stała Vilnia, dzie pakaz pravodziŭsia ŭ biełaruskim pasolstvie 2 lipienia na pryjomie z nahody Dnia niezaležnaści.Pa padlikach Varłamava, prysutničała kala 800 čałaviek.
Pavodle jaho słoŭ, «Młyn mody» «zrabiŭ furor», praŭda, adbyŭsia skandał z udziełam rasijskaha pasła ŭ Litvie.Jak raskazaŭ Varłamaŭ, u siaredzinie pakazu dypłamat z vokličam «dakul biełarusy buduć kraści paŭłaŭskija chustki» pakinuŭ pakaz.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary